சுங்கை கோலோக்கில் கடத்தல் பெட்ரோலுக்குத் தட்டுப்பாடு: திணறும் வியாபாரிகள்

சுங்கை கோலோக்: 

கடந்த மாத தொடக்கத்தில் இருந்து, கிளந்தான் எல்லையில் கடுமையான அமலாக்கம், எரிபொருள் நிலையங்களில் உள்ள கட்டுப்பாடுகள் பெட்ரோலைக் கடத்துவதைக் கடினமாக்கியுள்ள காரணங்களில் அடங்கும் என்று இங்குள்ள கடத்தல் பெட்ரோல் வியாபாரிகள் கூறுகின்றனர்.

முன்னர், விநியோகம் துண்டிக்கப்படுவது சில நாட்கள் அல்லது வாரங்கள் மட்டுமே நீடித்து, அதன் பின்னர் எரிபொருள் விநியோகம் மீண்டு வந்த நிலையில், தற்போதைய சூழ்நிலையே மிகவும் மோசமானது என்று அவர்கள் விவரித்தனர்.

இருப்பினும், குறிப்பாக கிளந்தானில் இருந்து மலேசியாவின் கடத்தல் பெட்ரோல் விநியோகம் கடந்த மாதத்திலிருந்து கடினமாக உள்ளது, மேலும் கிட்டத்தட்ட ஒரு மாதத்திற்கும் மேலாக விநியோக பிரச்சனைகளை எதிர்கொண்டு வருகிறது.

அஹ்மத் என்று அழைக்கப்படும் ஒரு வணிகர், குறிப்பிடத்தக்க விநியோகப் பற்றாக்குறை காரணமாக, இங்குள்ள பல வணிகர்கள் தங்கள் கடைகளைத் தற்காலிகமாக மூட வேண்டியுள்ளதாகவும், முன்னதை விட அந்தச் சூழ்நிலை தற்போது தெளிவாகக் காண முடிவதாகவும் கூறினார்.

"நான் 10 ஆண்டுகளுக்கும் மேலாக மலேசியாவிலிருந்து கடத்தல் பெட்ரோலை விற்பனை செய்து வருகிறேன், இருப்பினும் இந்த முறை விநியோகத்தைப் பெறுவது மிகவும் கடினமாக உள்ளது. மலேசிய போலிஸாரின் எல்லையில் கடுமையான கட்டுப்பாடு, தும்பாட்  ரந்தாவ் பாஞ்சாங் சுற்றியுள்ள எரிபொருள் நிலையங்களில் கட்டுப்பாடு காரணமாக, விநியோகத்தைக் கடத்துவது கடினம் என்று இடைத்தரகர் எனக்குத் தெரிவித்தார்.

"வழக்கமாக, லுபோக் கோங், ரந்தாவ் பஞ்சாங்கில் உள்ள சட்டவிரோத தளங்கள் மூலமாகவோ அல்லது ரந்தாவ் பஞ்சாங் குடிவரவு, சுங்கம், தனிமைப்படுத்தல், பாதுகாப்பு வளாகம் (ICQS) வழியாக மீண்டும் வாங்குவதன் மூலமாகவோ விநியோகம் கடத்தப்பட்டு வந்தது. இருப்பினும், கடுமையான கட்டுப்பாடு காரணமாக இப்போது அது கடினமாக உள்ளது.

"கடத்தல் எரிபொருளுக்கு விநியோகப் பற்றாக்குறை இருப்பதை விட, எரிபொருள் நிலையங்களில் உள்ள விநியோகமும் கடந்த மாதத்திலிருந்து அதே பிரச்சனைகளை எதிர்கொள்கிறது" என்றார் அவர்.

இந்த நிலைமை தொடர்ந்தால், விநியோகத்தைக் கொண்டுவருவது கடினமாக இருந்தால், இதற்குப் பிறகு பெட்ரோல் வியாபாரிகள் வேறு வேலைகளைத் தேட முயற்சி செய்ய வேண்டியிருக்கும் என்று அவர் தெரிவித்தார்.

"இப்போது, ஒரு வியாபாரியிடம் விநியோகம் இருந்தால், அது வித்தியாசமாகக் கருதப்படுகிறது. ஏனெனில், பெட்ரோல் விநியோகம் கடினம் என அனைவரும் அறிவார்கள். மேலும், விநியோகம் எப்போது துண்டிக்கப்படும் என்றும் எங்களுக்குத் தெரியாது.

"இதற்குப் பிறகு விநியோகம் இருந்தாலும், அது விற்கப்படாமல், தனிப்பட்ட பயன்பாட்டிற்காக இருக்கலாம்" என்றார் அவர்.

இதற்கு முன்னர், சுங்கை கோலோக் நகரில், கிளந்தானில் இருந்து ரோன்95 கடத்தல் பெட்ரோலைத் தீவிரமாக விற்பனை செய்து வந்த 100 க்கும் மேற்பட்ட வளாகங்கள், கடைகள், கடந்த மாதத்திலிருந்து எரிபொருள் விநியோகம் துண்டிக்கப்பட்டதாக நம்பப்படுவதால், முடங்கிய நிலையில் இருப்பதாக ஊடகங்கள் செய்தி வெளியிட்டிருந்தன.

சுங்கை கோலோக் நகரைச் சுற்றி மேற்கொள்ளப்பட்ட ஆய்வில், முன்னர் பல்வேறு வகையான கடத்தல் பெட்ரோலுடன் களைகட்டியிருந்த கடைகள், இப்போது வெறிச்சோடிக் காணப்படுவதாகவும், பல கடைகள் மூடப்பட்டிருப்பதாகவும் கண்டறியப்பட்டுள்ளது.

மூன்று மணி நேர ஆய்வின் போது, மூன்று வளாகங்கள் மட்டுமே இன்னும் பெட்ரோல் விநியோகத்தை விற்பனை செய்வதாகக் கண்டறியப்பட்டது. இருப்பினும், ஒரு சில லிட்டர்கள் மட்டுமே கிடைக்கும் நிலையில், வியாபாரிகள் ஒவ்வொரு வாங்குதலுக்கும் ஒரு லிட்டர் மட்டுமே என, பகிர்ந்தளிக்கும் முறையில் விற்பனை செய்ய வேண்டியுள்ளது.

-சங்கீர்த்தனா