எண்ணெய் விலை விவகாரத்தில் சில அறிவற்றவர்கள் அரசாங்கத்தின் மீது பழி சுமத்துகிறார்கள்: பிரதமர் அன்வார்

கோலாலம்பூர்:

எண்ணெய் விலை விவகாரத்தில் சில அறிவற்றவர்கள் அரசாங்கத்தின் மீது வீண் பழி சுமத்துகிறார்கள்.

பிரதமர் டத்தோஸ்ரீ அன்வார் இப்ராஹிம் இதனை தெரிவித்தார்.

சில்லறை எரிபொருள் விலை உயர்வுக்கு அரசாங்கத்தைக் குற்றம் சாட்டும் சில தரப்பினர் அறிவற்றவர்கள்.

மேலும்  உலக நிகழ்வுகளை அறியாத ஒரு குழு.

சம்பந்தப்பட்ட தரப்பினர் நடந்த அனைத்தையும் அரசியல்மயமாக்க விரும்புகின்றனர்.

இதனால் இந்தப் பிரச்சினை மேலும் மோசமடைந்தது.

வெளியே அவ்வளவு புத்திசாலித்தனம் இல்லாத சிலர் இருக்கிறார்கள். அவர்கள் எங்கள் அதாவது அரசு மீது பழி போடுகிறார்கள்.

நீங்கள் எங்கள் மீது பழி போட முடியாது. நீங்கள் புத்தகங்கள் படிப்பதில்லையா? நீங்கள் செய்திகளைப் பின்தொடர்வதில்லையா?
உலகில் என்ன நடக்கிறது என்பது கூட உங்களுக்குத் தெரியாதா என்று பிரதமர் கேள்வி எழுப்பினார்.

தெற்கில் ஹோர்முஸ் ஜலசந்தியில் கட்டுப்பாடுகள் இருப்பது உங்களுக்குத் தெரியாதா? இதுதான் பிரச்சனை என்று தெரியாதா?.

இந்த நாட்டில் எல்லாமே அரசியல்மயமாக்கப்படுகிறது என்று அவர் கடுமையாக சாடினார்.

- பார்த்திபன் நாகராஜன்