பேராக்கில் மடானி ராக்யாட் திட்டம் 2026-ஐ கேபிகேடி தலைமை தாங்கும்

ஈப்போ: 

வீட்டுவசதி, உள்ளாட்சி அரசாங்க அமைச்சகம் (KPKT) ஏப்ரல் 3 முதல் 5 வரை பேராக்கில் மடானி ராக்யாட் திட்டம் (PMR) 2026-ஐ தலைமை தாங்கி நடத்தும். புலாத்தான் சுல்தான் அஸ்லான் ஷாவில் நடைபெறும் இந்த நிகழ்வை ஏப்ரல் 4-ல் பிரதமர் டத்தோ ஸ்ரீ அன்வர் இப்ராஹிம் அதிகாரப்பூர்வமாக தொடக்கி வைப்பார் என்று  
அமைச்சர் ங்கா கோர் மிங், கூறினார்.

இந்தத் திட்டம் பொதுமக்களுடன் நேரடி தொடர்பு, மேம்படுத்தப்பட்ட சேவை வழங்கலுக்கான அரசாங்கத்தின் உறுதிப்பாட்டை குறிக்கிறது என்று அவர் மேலும் கூறினார்.

"நிலையான நகரங்கள், தரமான வீட்டுவசதி, இணக்கமான சமூகங்கள்" என்ற கருப்பொருளுடன், நகர வளர்ச்சிகளிலும் உள்ளடக்கிய சமூகங்களிலும் அமைச்சகத்தின் பங்கை இது எடுத்துக்காட்டுகிறது.

மூன்று நாள் நிகழ்வில் கலந்துகொண்டு பல்வேறு அரசாங்க முன்முயற்சிகளிலிருந்து பயன்பெறுமாறு ங்கா பொதுமக்களை ஊக்குவித்தார்.

"பார்வையாளர்கள் அரசாங்க சேவைகள், நலன்புரி முன்முயற்சிகள், சுகாதார சேவைகள், மடானி ரஹ்மா விற்பனை, வேளாண் விற்பனை, வேலை வாய்ப்புகள், உள்ளூர் உணவு திருவிழா, தொழில்முனைவோர் கண்காட்சிகள், பல்வேறு சமூக திட்டங்களை எதிர்பார்க்கலாம்" என்று அவர் கூறினார்.

சிறப்பு நடவடிக்கைகளில் தலைக்கவசம் பரிமாற்றம், இலவச மோட்டார்சைக்கிள் எண்ணெய் மாற்றம், இலவச முடி வெட்டு, விதை விநியோகம் ஆகியவை அடங்கும்.

பாதுகாப்பு, பாதுகாவல் சொத்துக்களின் கண்காட்சிகளும் பொதுமக்கள் பார்வைக்கு வழங்கப்படும்.

வீட்டுவசதி, உள்ளாட்சி அரசாங்க அமைச்சகம் மார்ச் 28 முதல் ஏப்ரல் 3 வரை ஈப, தம்புன் பகுதிகளில் துணை திட்டங்களை ஒருங்கிணைக்கிறது. இவை வீட்டுவசதி முன்முயற்சிகள், சமூக பாதுகாப்பு, உள்ளாட்சி அரசாங்க சேவைகளை டிஜிட்டல் மயமாக்குவதை உள்ளடக்கும்.

பி.எம்.ஆர் 2026 ஏற்பாடு மலேசியாமடானி கொள்கையின் கீழ் வலுவான மத்திய-மாநில ஒத்துழைப்பை பிரதிபலிக்கிறது. இந்தத் திட்டம் அரசாங்கம்-பொதுமக்கள் உறவை வலுப்படுத்தவும் வளர்ச்சி முன்முயற்சிகள் குறித்த விழிப்புணர்வை அதிகரிக்கவும் நோக்கமாக கொண்டுள்ளது.

-சங்கீர்த்தனா