மனிதநேய உதவி: ஈரான் நெருக்கடிக்கு காஷ்மீரில் பெரும் நிதிசேகரிப்பு

ஸ்ரீநகர்:

இந்திய நிர்வாகத்திலுள்ள காஷ்மீர் பகுதியில், ஈரானில் ஏற்பட்ட மோதலால் பாதிக்கப்பட்ட மக்களுக்கு உதவுவதற்காக பெரிய அளவில் நிதி, பொருள் சேகரிப்பு இயக்கம் தொடங்கப்பட்டுள்ளது. 

பொதுமக்கள் பணம், தங்க நகைகள், வெண்கலப் பொருட்கள், குழந்தைகளின் சேமிப்பு பணம் போன்றவற்றை சமூக முயற்சிகள் மூலம் வழங்கி வருகின்றனர்.

இந்த முயற்சிக்கு ஈரான் தூதரகம் நன்றி தெரிவித்து, நேரடி வங்கி கணக்குக்கு நன்கொடை வழங்க விரைவு குறியீடும் வெளியிட்டது. காஷ்மீர், ஈரான் இடையே நீண்டகால வரலாறு, கலாசாரம், மத உறவுகள் உள்ளதாகவும் குறிப்பிடப்படுகிறது.

ஈரான் உயர் தலைவர் அயத்துல்லா அலி கமேனி கொல்லப்பட்ட சம்பவத்தைத் தொடர்ந்து, அப்பகுதியில் போராட்டங்கள் எழுந்தன. அதனைத் தொடர்ந்து நகரங்களிலும் கிராமங்களிலும் நிதி சேகரிப்பு தீவிரமடைந்தது. பொருளாதார சிரமங்களுக்கிடையிலும் மக்கள் ஆர்வத்துடன் பங்களித்து வருகின்றனர்.

வீடு தோறும் சென்று சேகரிக்கும் தன்னார்வலர்கள், பள்ளிவாசல் அறிவிப்புகள், சமூக ஊடகங்கள் மூலம் மக்களை ஒன்றிணைத்துள்ளனர். ஒரு விதவை 28 ஆண்டுகளாக வைத்திருந்த தங்க நகையை வழங்கியதும், சக்கர நாற்காலியில் வந்த பெண் தங்கக் குண்டலங்களையும் பணத்தையும் வழங்கியதும் கவனம் ஈர்த்துள்ளது. 

குழந்தைகளும் தங்களின் சேமிப்பைப் பகிர்ந்து உதவி செய்துள்ளனர். சேகரிக்கப்பட்ட நன்கொடைகள் அதிகாரப்பூர்வ அமைப்புகள், ஈரான் தூதரகம் மூலம் தேவையுடையவர்களுக்கு வழங்கப்படும் என தெரிவிக்கப்பட்டுள்ளது.

-கிரித்திக்கா