லிவர்பூல் கிளப்பின் சாலாவிற்கு மாற்று வீரர்களுக்கான பட்டியலில் எம்பாப்பே முதன்மை வகிக்கிறார்

லண்டன்:

லிவர்பூல் கிளப்பின் சாலாவிற்கு மாற்று வீரர்களுக்கான பட்டியலில் கிளையன் எம்பாப்பே முதன்மை வகிக்கிறார்.

முஹம்மது சாலா இந்த சீசனின் முடிவில் கிளப்பை விட்டு வெளியேறுவார் என்பது உறுதிசெய்யப்பட்டுள்ளது.

இதை தொடர்ந்து, லிவர்பூல் இப்போது அவருக்குப் பதிலாக ஒருவரைக் கண்டுபிடிக்கும் பெரும் சவாலை எதிர்கொண்டுள்ளது.
முக்கிய நட்சத்திர வீரரின் இழப்பு, அர்னே ஸ்லாட் நிர்வகிக்கும் அணியில் நிச்சயமாக ஒரு பெரிய தாக்கத்தை ஏற்படுத்தும். 

அதுமட்டுமின்றி, சாலா கிளப்பின் வரலாற்றில் அதிக கோல் அடித்தவர்களில் ஒருவராகவும், கடந்த சில சீசன்களாக அணியின் முக்கிய தூணாகவும் இருந்து வருகிறார்.

இந்த நிலையில், எகிப்திய சர்வதேச வீரர் விட்டுச்சென்ற வெற்றிடத்தை நிரப்புவதற்கான மாற்று வீரர்களாகப் பல பெரிய பெயர்களின் பெயர்கள் அடிபடத் தொடங்கியுள்ளன.

லிவர்பூலின் கண்காணிப்பில் இருப்பதாகக் கூறப்படும் வீரர்களில், அதிரடி முன்கள வீரர் கிளையன் எம்பாப்பே, தற்போது பாயர்ன் முனிச் அணிக்காக ஜொலித்து வரும் இளம் நட்சத்திர வீரர் ஜமால் முசியாலாவும் அடங்குவர்.

- பார்த்திபன் நாகராஜன்