ஈரானில் உள்ள தப்ரிஸ் நகரில் நடந்த தாக்குதலில் 6 பேர் உயிரிழப்பு

தப்ரிஸ்: 

ஈரானின் தப்ரிஸ் நகரில் நடத்தப்பட்ட இரண்டு வெவ்வேறு தாக்குதல்களில் குறைந்தது ஆறு பேர் கொல்லப்பட்டதாக பேரிடர் மேலாண்மை பொது இயக்குநர் மஜித் ஃபர்ஷி தெரிவித்துள்ளார். இச் சம்பவம் அப்பகுதியில் பெரும் பதற்றத்தை ஏற்படுத்தியுள்ளது.

மர்ஸ்தாரன் பகுதியில் உள்ள ஒரு குடியிருப்பு கட்டிடத்தின் மீது நடத்தப்பட்ட தாக்குதலில் நான்கு பேர் உயிரிழந்ததுடன், ஆறு பேர் காயமடைந்தனர். இதனைத் தொடர்ந்து, ராபே ரஷீதி பூங்கா பகுதியில் நிகழ்ந்த மற்றொரு தாக்குதலில் மேலும் இருவர் உயிரிழந்ததாகத் தகவல்கள் தெரிவிக்கின்றன.

இந்தத் தாக்குதல் சம்பவங்கள் குறித்து அமெரிக்காவோ அல்லது இஸ்ரேலோ இதுவரை எவ்வித அதிகாரப்பூர்வ விளக்கமும் அளிக்கவில்லை. தாக்குதலுக்கான காரணம் குறித்து உள்ளூர் அதிகாரிகள் தீவிர விசாரணையில் ஈடுபட்டுள்ளனர்.

-கிரித்திக்கா