மேற்கு ஆசிய மோதலைத் தொடர்ந்து ஆசிய சுற்றுலாப் பயணிகளை ஈர்ப்பதில் மலேசியா கவனம் செலுத்துகிறது

கோலாலம்பூர்:

மேற்கு ஆசிய மோதலைத் தொடர்ந்து  ஆசிய சுற்றுலாப் பயணிகளை ஈர்ப்பதில் மலேசியா கவனம் செலுத்துகிறது.

சுற்றுலா, கலை, கலாச்சார அமைச்சின் துணைச் செயலாளர்  சுவா சூன் ஹுவா இதனை கூறினார்.

மேற்கு ஆசியாவில் ஏற்பட்ட மோதலால் விமானப் போக்குவரத்து பாதிக்கப்பட்டுள்ளதைத் தொடர்ந்து,  மலேசியா வருகை ஆண்டுடன் இணைந்து, நாட்டிற்கு சுற்றுலாப் பயணிகளை ஈர்ப்பதற்கான தனது உத்தியை அரசாங்கம் மறுமதிப்பீடு செய்யும்.

பாதிக்கப்படாத மற்ற பிராந்தியங்களிலிருந்து, குறிப்பாக ஆசியாவிலிருந்து, சுற்றுலாப் பயணிகளை ஈர்ப்பதற்கான முயற்சிகளுக்குக் கவனம் செலுத்தப்படும்.

இந்த மோதல் மலேசியா வருகை ஆண்டு இலக்குகளைப் பாதிக்கக்கூடும்.

எனவே அரசாங்கத்தின் திட்டமிடப்பட்ட உத்தியை மறுஆய்வு செய்ய வேண்டிய அவசியம் ஏற்பட்டுள்ளது என்றும் அவர் கூறினார்.

எங்கள் உத்தி மாறும், நாங்கள் உள்ளகக் கூட்டங்களை நடத்தியுள்ளோம், மேலும் வகுக்கப்பட்ட உத்தியை தற்போது மறுமதிப்பீடு செய்து வருகிறோம்.

குறைவான தாமதங்களைச் சந்திக்கும் ஆசிய மற்றும் தென்கிழக்கு ஆசிய நாடுகளும் எங்களிடம் உள்ளன.

எனவே நாங்கள் இந்தச் சந்தைகளில் கவனம் செலுத்துவோம் என்று கோலாலம்பூர் சர்வதேச விமான நிலையத்தின் முனையம் 1-இல் இன்று நடைபெற்ற பெருநாள் கொண்டாட்டத்திற்குப் பிறகு அவர் இவ்வாறு கூறினார். 

- பார்த்திபன் நாகராஜன்