மயானத்தில் நிகழ்ந்த அநாகரிகச் செயல்: சமூக வலைதளங்களில் வைரலாகும் காணொலி

கோலாலம்பூர்: 

மலேசியத் தலைநகர் கோலாலம்பூரில் உள்ள ஒரு மயானத்தில், ஜோடி ஒன்று ஆடையின்றி அநாகரிகமான முறையில் உடலுறவில் ஈடுபட்டதைக் காட்டும் காணொலி சமூக வலைதளங்களில் வெளியாகிப் பெரும் அதிர்ச்சியை ஏற்படுத்தியுள்ளது. 

சுமார் 38 விநாடிகள் ஓடும் இந்தக் காணொலியில், ஒரு ஆண் முழு நிர்வாணமாக இருப்பதும், ஒரு பெண் கல்லறை ஒன்றின் மீது அமர்ந்து அநாகரிகமாக நடந்துகொள்வதும் பதிவாகியுள்ளது.

அப்பகுதியில் இருந்த ஒரு பெண்மணி இச்செயலைப் படம்பிடித்ததுடன், அந்த ஜோடியைக் கடுமையாகச் சாடியுள்ளார். "உங்களை இங்கேயே நான் மீண்டும் பிடித்துவிட்டேன்! நீங்கள் இருவரும் ஏற்கனவே பலமுறை ஆடையின்றி இங்கு வந்துள்ளீர்கள்.

இது இறந்தவர்களுக்குச் செய்யும் மிகப்பெரிய அவமரியாதை," என்று அவர் ஆவேசமாகத் தட்டிக்கேட்பது அந்தக் காணொலியில் கேட்கிறது.

மேலும், இவர்களின் இத்தகைய அநாகரிகச் செயல்கள் குறித்து ஏற்கனவே பலமுறை புகார்கள் எழுந்த நிலையில், தற்போதைய ஆதாரத்துடன் காவல்துறைக்குத் தகவல் தெரிவிக்கப்போவதாக அந்தப் பெண்மணி எச்சரித்துள்ளார்.

மயானம் போன்ற புனிதமாகக் கருதப்படும் இடங்களில் இத்தகைய ஒழுக்கமற்ற செயல்கள் நடப்பது பொதுமக்களிடையே பெரும் கோபத்தை உண்டாக்கியுள்ளது.

தற்போது இந்தக் காணொலி இணையத்தில் வேகமாகப் பரவி வருவதைத் தொடர்ந்து, சம்பந்தப்பட்டவர்கள் மீது உரிய நடவடிக்கை எடுக்கக் கோரிக்கைகள் எழுந்துள்ளன. பொது இடங்களில் அநாகரிகமாக நடந்துகொள்வது, மத உணர்வுகளைப் புண்படுத்துவது போன்ற சட்டப்பிரிவுகளின் கீழ் விசாரணை நடத்தப்பட வாய்ப்புள்ளதாகத் தெரிகிறது.

-கிரித்திக்கா