சிரம்பானில் 70 ஆண்டுக்கால புத்தகக் கடை தீ விபத்தில் எரிந்தது

சிரம்பான்:

சிரம்பான் ஜாலான் டத்தோ ஷேக் அஹ்மத் சாலையில் உள்ள இரண்டு மாடி புத்தகக் கடை தீ விபத்தில் எரிந்து சாம்பலானது.

மாநில தீயணைப்புப் படையின் மூத்த செயல்பாட்டுக் கட்டளை அதிகாரி முகமது ஹனாஃபி வாஹித் இதனை கூறினார்.

இரவு சுமார் 9 மணியளவில் இந்த தீ விபத்து ஏற்பட்டது.

ஆனால் இதில் எந்த உயிரிழப்பும் ஏற்படவில்லை என்று கூறினார்.
சிரம்பான் தீயணைப்பு, மீட்பு நிலையத்தின் உறுப்பினர்கள் தீயை அணைக்கும் பணிகளைத் தீவிரமாக மேற்கொண்டனர்.

இருப்பினும், இரவு 11.34 மணிக்குத் தீ கட்டுக்குள் கொண்டுவரப்பட்டதாக அவர் கூறினார்.

இந்த புத்தகக் கடை சிரம்பான் வட்டாரத்தில் கிட்டத்தட்ட 70 ஆண்டுகளாக செயல்பட்டு வருகிறது என்பது குறிப்பிடத்தக்கது.

- பார்த்திபன் நாகராஜன்