செய்திகள் வணிகம்
உயரும் எண்ணெய் விலை: டிரம்பின் 60 நாள் ஜோன்ஸ் சட்டம் விலக்கு
நியூயார்க்:
ஈரான் கடற்கரையோரத்தில் உள்ள ஹார்முஸ் ஜலசந்தியை மூடியதன் விளைவாக ஏற்படும் எண்ணெய் விலை உயர்வைக் கட்டுப்படுத்தும் முயற்சியாக, அமெரிக்க அதிபர் டொனால்ட் டிரம்ப் புதன்கிழமை அன்று ஜோன்ஸ் சட்டத்தை 60 நாட்களுக்கு நிறுத்தி வைத்ததாக சின்ஹுவா செய்தி நிறுவனம் தெரிவித்துள்ளது.
அமெரிக்கத் துறைமுகங்களுக்கு இடையில் கொண்டு செல்லப்படும் அனைத்துப் பொருட்களும் அமெரிக்க கப்பல்களால் மட்டுமே கொண்டு செல்லப்பட வேண்டும் என்று ஜோன்ஸ் சட்டம் குறிப்பிடுகிறது.
"ஜனாதிபதி டிரம்பின் 60 நாள் ஜோன்ஸ் சட்டம் விலக்கு வழங்கும் முடிவு, எண்ணெய் சந்தையில் ஏற்படும் குறுகிய கால இடையூறுகளைக் குறைப்பதற்கான மற்றொரு படியாகும்.
இந்த நடவடிக்கை, எண்ணெய், இயற்கை எரிவாயு, உரம், நிலக்கரி போன்ற அத்தியாவசிய வளங்கள் 60 நாட்களுக்கு அமெரிக்கத் துறைமுகங்களுக்குத் தடையின்றிச் செல்ல அனுமதிக்கப்படும்.
உயரும் எண்ணெய் விலைகளைக் கட்டுப்படுத்தும் முயற்சிகளின் ஒரு பகுதியாக, அமெரிக்க தனது உத்திப்பூர்வ பெட்ரோலிய இருப்புத்தொகுப்பிலிருந்து 172 மில்லியன் பீப்பாய்கள் எண்ணெயை வெளியிடுவதாகவும் அறிவித்துள்ளது.
ஈரானுடனான மோதலுடன் தொடர்புடைய சீர்குலைவுகளால் எரிசக்தி விலைகள் தொடர்ந்து உயர்ந்து வருவதால், உள்நாட்டு கப்பல் போக்குவரத்துச் செலவுகளைக் குறைக்கும், இராணுவ தளவாடங்களுக்கு ஆதரவளிக்கும், அமெரிக்கத் தளங்களுக்கும் செயல்பாடுகளுக்கும் தொடர்ச்சியான எரிபொருள் விநியோகத்தை உறுதி செய்யும் ஒரு முயற்சியாகவும் இந்த நடவடிக்கை இருக்கும் என உள்ளூர் ஊடகங்கள் விவரித்துள்ளன.
அமெரிக்கத் தடைகளுக்குப் பொறுப்பான அமைப்பான கருவூலத் துறையின் அந்நியச் சொத்துக்களுக்கான கட்டுப்பாட்டு அலுவலகம், வெனிசுலா அரசுக்குச் சொந்தமான பெட்ரோலியோஸ் டி வெனிசுலா எஸ்.ஏ (PDVSA) நிறுவனத்திடமிருந்து அமெரிக்க நிறுவனங்களுக்கு விற்பனையை எளிதாக்குவதற்காக மூன்று பக்க பொது உரிமத்தை வழங்கியுள்ளது.
"இந்த உரிமம், கிடைக்கக்கூடிய எண்ணெய் விநியோகத்தை அதிகரிப்பதன் மூலம் உலகளாவிய எரிசக்தி சந்தையை ஆதரிக்கும் அதே வேளையில் அமெரிக்க, வெனிசுலா ஆகிய இரண்டிற்கும் பயனளிக்கும் என எதிர்பார்க்கப்படுகிறது.
"இது வெனிசுலாவின் எரிசக்தித் துறையில் புதிய முதலீடுகளை ஊக்குவிக்கவும் உதவும்," என்று கருவூலத் துறை எக்ஸ் தளத்தில் ஒரு பதிவில் கூறியது.
இதற்கிடையில், எண்ணெய் விலைகள் தொடர்ந்து உயர்ந்துள்ளன என்பது குறிப்பிடத்தக்கது. புதன்கிழமையன்று பிரெண்ட் கச்சா எண்ணெய் 6.3 சதவீதம் உயர்ந்தது. காலை வர்த்தகத்தில் ஒரு பீப்பாய் சுமார் US$109.94 (RM432.67) ஆக வர்த்தகமானது, இது போர் தொடங்கியதிலிருந்து US$37 (RM145.61) அதிகரிப்பாகும்.
-சங்கீர்த்தனா
தொடர்புடைய செய்திகள்
November 10, 2026, 9:29 am
பணவீக்கம் குறைந்தும் விலைகள் அதிகமாக இருப்பதாக மலேசியர்கள் உணர காரணம் என்ன? பேங்க் நெகாரா விளக்கம்
November 1, 2026, 8:27 am
தீபாவளியையொட்டி ஒரே நாளில் ரூ.4 கோடிக்கு ஆடுகள் விற்பனை: வடலூர் சந்தையில் 1500 ஆடுகள் விற்பனை
October 31, 2026, 10:36 pm
துபாய் பெண் ஊழியருக்கு 1.3 மில்லியன் ரிங்கிட் மதிப்பில் லம்போர்கினி கார் பரிசு
October 30, 2026, 3:01 pm
ஒரே நாளில் பல கோடியை ரூபாய் இழந்த கூகுள் நிறுவனம்
October 28, 2026, 9:32 pm
இந்திய பங்குச் சந்தையில் ஜியோ அதிரடி அறிமுகம்: இந்தியாவில் 2ஆம் இடத்தைப் பிடித்தது
October 23, 2026, 2:56 pm
சீனாவின் BYD ரக கார்களுக்கு அமெரிக்கா தடை விதித்தது
October 23, 2026, 9:07 am
92 ஆண்டுகளுக்குப் பிறகு லீ பிஸ்கட்ஸ், பிஸ்கட் நிறுவனம் உற்பத்தியை நிறுத்துகிறது
October 22, 2026, 3:09 pm
மலேசிய சாதனைப் புத்தகத்தில் டும் டும் மேட்ரிமோனி: மிகப்பெரிய இந்தியத் திருமணத் தளமாக அங்கீகாரம்
October 21, 2026, 9:08 pm
