வளைகுடாப் போர்: உணவுப் பொருட்கள் விலையில் பாதிப்பு ஏற்பட வாய்ப்பு

பெட்டாலிங் ஜெயா: 

மேற்காசியாவில் நிலவும் பதற்றங்களால், அடுத்த மூன்று முதல் நான்கு மாதங்களில் நாட்டில் உணவுப் பொருட்களின் விலைக்கு நேரடி தாக்கத்தை ஏற்படுத்த வாய்ப்புள்ளதாக தெரிவிக்கப்பட்டுள்ளது.

விவசாயம், உணவுப் பாதுகாப்பு அமைச்சர் டத்தோ ஸ்ரீ முஹம்மத் சாபு, இதற்கான தாக்கம், எரிபொருள் விலையின் உயர்வின் காரணமாக, வழங்கல் சங்கிலியின் மொத்த செலவுகளையும் பாதிக்கும் என்று எதிர்பார்க்கப்படுகிறது என்று தெரிவித்தார்.

"போரின் விளைவுகள் விலையில் தெரியும். பொருட்கள் தற்போது போதுமான அளவில் உள்ளன, ஆனால் பெட்ரோல் விலை உயர்ந்தால், அதனால் வரும் விளைவுகளை 3–4 மாதங்களில் நாம் காண்போம். இந்த தாக்கம் சில காலம் எடுக்கும். நாம் முதலீட்டுத் துறை, வர்த்தகம், தொழிற்சங்க துறை (MITI), நிதித்துறை, தொடர்புடையவர்களின் கருத்துக்களையும் கவனிக்க வேண்டும்," என்று அவர் நஃபாஸ் 2024 விவசாயிகளுக்கான ஈவுத்தொகை வழங்கும் விழா, ரமலான் இஃப்தார் நிகழ்ச்சியில் கூறினார்.

தற்போது, உணவுப் பொருட்கள் போதுமான அளவில் உள்ளன என்றும், விலை மாற்றங்கள் இன்னும் காணப்படவில்லை என்றும் அவர் தெரிவித்தார்.

மேலும், அரசாங்கம் நிலவரத்தைத் தொடர்ந்து கண்காணித்து, தேவையான அறிவிப்புகளை வெளியிடும் என்றார் அவர்.

அதன்படி, மக்கள் தங்கள் வீட்டிலுள்ள சிறிய தோட்டங்களில் காய்கறிகள் வளர்க்கும் மூலம் உணவுப் பாதுகாப்பை உறுதி செய்யும் முயற்சிகளை மேற்கொள்ள ஊக்கப்படுத்தப்படுகின்றனர் என்று அவர் கூறினார்.

-சங்கீர்த்தனா