ஈரான் போருக்கு எதிர்ப்பு தெரிவித்து அமெரிக்க உயரதிகாரி பதவி விலகல்

வாஷிங்டன்:

தேசிய பயங்கரவாத எதிர்ப்பு மையத்தின் தலைவர் ஜோ கென்ட், அமெரிக்க அதிபர் டொனால்ட் டிரம்ப் நிர்வாகத்தில் பணியாற்றிய தேசிய பயங்கரவாத எதிர்ப்பு மையத்தின் தலைவர் ஜோ கென்ட், ஈரான் போருக்கு எதிர்ப்பு தெரிவித்து தனது பதவியை விலக்கிக் கொண்டார். இந்த மோதல் மூன்றாவது வாரத்தில் நுழைந்துள்ள நிலையில், இதுபோன்ற காரணத்திற்காக விலகும் முதல் உயரதிகாரியாக அவர் உள்ளார்.

தனது அறிக்கையில், “ஈரானில் நடைபெறும் போருக்கு என் மனசாட்சி ஒத்துழைக்கவில்லை” எனக் கூறிய அவர், ஈரான் அமெரிக்காவுக்கு உடனடி அச்சுறுத்தலாக இல்லை என்றும் தெரிவித்தார். இந்த போர் இஸ்ரேலின் அழுத்தம், அதன் ஆதரவுக் குழுக்களின் தாக்கத்தால் தொடங்கியதாகவும் அவர் குற்றம்சாட்டினார்.

ஆனால், வெள்ளை மாளிகை இந்த குற்றச்சாட்டுகளை மறுத்து, ஈரான் முதலில் தாக்கும் என்ற உறுதியான ஆதாரங்கள் உள்ளதாக தெரிவித்தது. சர்வதேச சட்டப்படி உடனடி அச்சுறுத்தல் இருப்பது நிரூபிக்கப்பட்டாலே போர் நடவடிக்கை நியாயமாகும் என சில நிபுணர்கள் கருத்து தெரிவித்துள்ளனர்.

இதற்கிடையில், அமெரிக்க நுண்ணறிவு அமைப்புகள், இந்த மோதலில் தலையீடு செய்தால் ஈரான் எதிரடி தாக்குதல்கள் நடத்தும் அபாயம் உள்ளதாக எச்சரித்துள்ளன. 

அதேவேளை, சில அரசியல் தலைவர்கள், ஈரானிடமிருந்து உடனடி அச்சுறுத்தல் இருப்பதற்கான உறுதியான ஆதாரம் இல்லை எனக் கூறி, போரில் ஈடுபடுவதைக் கேள்விக்குறியாக்கியுள்ளனர்.

-கிரித்திக்கா