கோலாலம்பூர் வணிகக் களத்தை கோலாலம்பூர் மாநகர் மன்றம் மாற்றியமைக்கிறது

கோலாலம்பூர்:

தலைநகரின் பொருளாதாரச் சூழலை வலுப்படுத்தும் ஒரு முக்கிய நடவடிக்கையாக, கூட்டாட்சிப் பிரதேசங்களுக்கான அமைச்சர்  ஹன்னா இயோ, கோலாலம்பூர் மேயர், டிபிகேஎல் உயர் அதிகாரிகளுடன் இணைந்து இன்று ஒரு உயர்மட்ட வணிக ஈடுபாட்டு அமர்வை நடத்தினார்.

மலேசிய இந்திய முஸ்லிம் வர்த்தக, தொழில் சபை (மிம்கோய்ன்), மலேசிய மலாய் வணிக சபை ,  கோலாலம்பூர், சிலாங்கூர் சீன வர்த்தக, தொழில் சபை உள்ளிட்ட முக்கிய வணிகப் பிரதிநிதிகளுடன் உரையாடுவதற்கான ஒரு முக்கிய தளமாக இந்த அமர்வு அமைந்தது.

அடுத்த ஒன்று முதல் இரண்டு மாதங்களுக்குள் டிபிகேஎல் ஒரு புதிய டிஜிட்டல் போர்ட்டலைத் தொடங்கும் என்று கோலாலம்பூர் மேயர் அறிவித்தார்.

இந்த போர்ட்டல், அனுமதி விண்ணப்பங்கள் மற்றும் பிற வணிகம் தொடர்பான செயல்முறைகளை நெறிப்படுத்தவும் விரைவுபடுத்தவும் வடிவமைக்கப்பட்டுள்ளது.

உள்ளூர் தொழில்முனைவோருக்கான அதிகாரத்துவத் தடைகளைக் குறைத்து. மேலும் வணிகத்திற்கு உகந்த சூழலை உறுதி செய்வதற்காக, ஒப்புதல் காலக்கெடுவை விரைவுபடுத்துவதாக டிபிகேஎல் உறுதியளித்தது.

நகர நிர்வாகத்திற்கும் வணிக சமூகத்திற்கும் இடையே ஒரு ஆரோக்கியமான இருவழி உறவைப் பேணுவதற்கு இதுபோன்ற அமர்வுகள் இன்றியமையாதவை என்று அமைச்சர் ஹன்னா இயோ வலியுறுத்தினார்.

அங்கீகரிக்கப்படாத அந்நிய நாட்டு வர்த்தகர்களின் அதிகரிப்பு குறித்து, தாங்கள் வழக்கமான அமலாக்க நடவடிக்கைகளை மேற்கொண்டாலும், அபராதம் விதிப்பது மற்றும் பொருட்களைப் பறிமுதல் செய்வது மட்டுமே தங்களின் சட்டப்பூர்வ அதிகார வரம்பு என்று டிபிகேஎல் தெளிவுபடுத்தியது.

இந்தப் பிரச்சினையின் மூல காரணத்தைத் திறம்படக் கையாள்வதற்கு, தொடர்புடைய கூட்டாட்சி முகமைகளுடன் ஒருங்கிணைந்த செயல்பாடுகளின் அவசியத்தை டிபிகேஎல்  ஏற்றுக்கொண்டது.

நகரத்தில் வீடற்ற நிலையில் உள்ள பலர், கிராமப்புறங்களிலிருந்து வரும் வேலை தேடுபவர்கள் அல்லது வழிதவறிய படித்த நபர்கள் ஆவர் என்று மாண்புமிகு ஹன்னா இயோ சுட்டிக்காட்டினார்.

இந்த மக்கள் பிரிவினர் மீண்டும் சமூகத்தில் ஒருங்கிணைவதற்கு உதவும் வகையில், அவர்களுக்கு வேலை வாய்ப்புகளை வழங்குவதில் வர்த்தக சபைகள் ஒரு முக்கியப் பங்காற்ற வேண்டும் என்று அவர் ஒரு சிறப்பு அழைப்பு விடுத்தார்.

இபோன்ற ஈடுபாடுதான் ஒரு செயல்படும் நகரத்தின் உயிர்நாடி. நாங்கள் வணிக சமூகத்தின் நாடித்துடிப்பைக் கேட்டு டிபிகேஎல் வளர்ச்சிக்கு ஒரு தடையாக இல்லாமல், ஒரு ஊக்குவிப்பாளராக இருப்பதை உறுதிசெய்ய விரும்புகிறோம் என்று ஹன்னா இயோ கூறினார்.

முன்னதாக மிம்கோய்ன் தலைவர் டத்தோ ஹாஜி பிவி அப்துல் ஹமித் தலைமையில் மிம்கோய்ன் நிர்வாக உறுப்பினர்கள் இந்த சந்திப்பில் கலந்து கொண்டனர் என்பது குறிப்பிடத்தக்கது.

- பார்த்திபன் நாகராஜன்