ஜம்ரி வினோத், தமீம் டஹாரி தாய்லாந்துக்கு தப்பியோட்டம்: ஐஜிபி

கோலாலம்பூர்:

பல்வேறு தனித்தனி வழக்குகளில் விசாரிக்கப்பட்டு வரும் ஜம்ரி வினோத், தமீம் டஹாரி ஆகியோர் தாய்லாந்திற்கு தப்பிச் சென்றுள்ளனர்.

தாய்லாந்து அதிகாரிகளின் உதவியுடன் தொடர்புடைய இரு நபர்களையும் கண்டுபிடிக்க முயற்சிகள் நடந்து வருகிறது.

தேசிய போலிஸ்படைத் தலைவர் டத்தோஸ்ரீ முகமட் காலித் இஸ்மாயில் இதனை கூறினார்.

பிப்ரவரி 7 ஆம் தேதி தலைநகரில் நடந்த பேரணியில் ஜம்ரியின் அறிக்கை தொடர்பாக அவர் மீதான விசாரணை, சட்டத்துறை தலைவர் அலுவலகத்திற்கு அனுப்பப்பட்டுள்ளது.

குற்றப்பத்திரிகை உத்தரவில் குற்றப்பத்திரிகை சட்டத்தின் பிரிவு 505 (பி) அடங்கும்.

இது பொதுமக்களுக்கு பயம், எச்சரிக்கையை ஏற்படுத்துவது அல்லது ஏற்படுத்தும் நோக்கத்துடன் பொதுமக்களுக்கு தீங்கு விளைவிக்கும் ஒரு அறிக்கையாகும்.

இந்திய சமூகத்திற்கு எதிரான அவமதிப்புகளுடன் கலந்த அறிக்கை தொடர்பாக ஜம்ரி மீதான விசாரணை பினாங்கு அரசு வழக்குரைஞர் அலுவலகத்திற்கும், 1948 ஆம் ஆண்டு தேசத்துரோகச் சட்டத்தின் பிரிவு 4(1) இன் கீழ் குற்றப்பத்திரிகை உத்தரவுக்கும் அனுப்பப்பட்டுள்ளது.

மேலும் கெடாவின் லங்காவியில் உள்ள ஆலயத்தில் இந்து மதத்தின் புனித சின்னமான திரிசூலத்தை சேதப்படுத்திய செயல் தொடர்பாக தமீம் சம்பந்தப்பட்ட விசாரணை அறிக்கை கெடா வழக்கறிஞர் அலுவலகத்திற்கு அனுப்பப்பட்டுள்ளது.

மேலும் தண்டனைச் சட்டத்தின் பிரிவு 295 இன் கீழ் வழக்குப் பதிவு செய்ய உத்தரவிடப்பட்டுள்ளது என்று அவர் கூறினார்.

- பார்த்திபன் நாகராஜன்