நாளை முதல் ரோன் 97 பெட்ரோல் 5 சென்னும் ரோன் 95 பெட்ரோல் 10 சென்னும் உயரும்: நிதியமைச்சு

புத்ராஜெயா:

நாடு முழுவதும் நாளை முதல் ரோன் 97 பெட்ரோல் விலை 5 சென் உயரும்.

அதே நேரத்தில் மானியம் இல்லாத ரோன் 95 பெட்ரோல் விலை 10 சென் உயரும்.

தற்போது ஒரு லிட்டர் 4.85 ரிங்கிட்டாக உள்ள ரோன் 97 பெட்ரோல் விலை, இனி ஒரு லிட்டர் 4.90 ரிங்கிட்டாக நிர்ணயிக்கப்படும் என்று நிதியமைச்சு ஓர் அறிக்கையில் தெரிவித்துள்ளது.

மானியம் இல்லாத ரோன் 95 பெட்ரோல் விலை, தற்போது ஒரு லிட்டர் 3.87 ரிங்கிட்டாக இருந்து, இனி ஒரு லிட்டர் 3.97 ரிங்கிட்டாக நிர்ணயிக்கப்படும்.

தீபகற்ப மலேசியாவில் டீசல் விலை ஒரு லிட்டருக்கு 5.12 ரிங்கிட்டாக நீடிக்கிறது.

பூடி 95 திட்டத்தின் கீழ் மானிய விலையில் வழங்கப்படும் ரோன் 95 பெட்ரோல் ஒரு லிட்டருக்கு 1.99 ரிங்கிட் என்ற விலையிலும்,

சபா, சரவா, லாபுவானில் டீசல் ஒரு லிட்டருக்கு 2.15  ரிங்கிட் என்ற விலையிலும் நீடிக்கும்.

இந்த விலைகள் மே 6 வரை அமலில் இருக்கும் என்று நிதியமைச்சு கூறியது.

- பார்த்திபன் நாகராஜன்