ஆசியாவின் சிறந்த உணவகங்கள் பட்டியல்: 7 இந்திய உணவகங்கள் இடம்பிடித்து சாதனை

டெல்லி:

இந்தியச் சமையல் கலைஞர்களால் நிர்வகிக்கப்படும் ஏழு உணவகங்கள், 2026-ஆம் ஆண்டின் 'ஆசியாவின் சிறந்த 50 உணவகங்கள்' பட்டியலில் இடம்பிடித்து இந்தியாவிற்குப் பெருமை சேர்த்துள்ளன.

ஆசியக் கண்டத்தின் பல்வேறு நாடுகளில் உள்ள சிறந்த உணவகங்களை அடையாளம் காணும் இந்தப் பட்டியலில், இந்திய உணவகங்களின் பங்களிப்பு இம்முறை தனித்துவமாகப் பார்க்கப்படுகிறது.

இந்த உயரிய பட்டியலில், புது டெல்லியின் புகழ்பெற்ற 'இந்தியன் அக்சென்ட்' (Indian Accent) உணவகம் முன்னிலை வகிக்கிறது. அதனைத் தொடர்ந்து மும்பையைச் சேர்ந்த 'மாஸ்க்' (Masque), 'தி காம்ப்டன் கம்பெனி' (The Compton Company) ஆகிய உணவகங்களும் தங்களின் சிறப்பான இடத்தை உறுதி செய்துள்ளன. 

இந்திய சமையல் முறைகளின் பாரம்பரியம் மாறாமல், அதே சமயம் நவீன நுணுக்கங்களைப் பயன்படுத்தி உலகத்தரம் வாய்ந்த உணவுகளை வழங்குவதற்காக இந்த அங்கீகாரம் கிடைத்துள்ளது.

இந்தியாவிற்கு வெளியிலும், இந்திய சமையல் கலைஞர்களால் நிர்வகிக்கப்படும் உணவகங்கள் இந்தப் பட்டியலில் இடம்பிடித்துள்ளது.  குறிப்பாக பாங்காக், துபாயில் உள்ள இந்திய உணவகங்கள் ஆசிய அளவில் சிறந்த தரவரிசையைப் பெற்றுள்ளன.

இந்திய சமையல் கலைஞர்களின் படைப்பாற்றல், உணவுகளின் தனித்துவமான சுவை சர்வதேச அளவில் பெரும் வரவேற்பைப் பெற்றுள்ளதையே இந்தப் பட்டியல் பிரதிபலிக்கிறது.

இந்த சாதனை இந்திய உணவுத் துறைக்கும் சமையல் கலைஞர்களுக்கும் சர்வதேச அளவில் புதிய உத்வேகத்தை அளித்துள்ளது. ஆசிய உணவு கலாச்சாரத்தில் இந்திய உணவுகளின் ஆதிக்கம் நாளுக்கு நாள் அதிகரித்து வருவதை இந்த அறிவிப்பு மீண்டும் உறுதிப்படுத்தியுள்ளது.

-கிரித்திக்கா