சுவிட்சர்லாந்து பூப்பந்து போட்டியில் மலேசியா தோல்வி: முதல் சுற்றிலேயே லீ ஸீ ஜியா வெளியேற்றம்

கோலாலம்பூர்: 

நாட்டின் ஆண்கள் ஒற்றையர் பூப்பந்து வீரர் லீ ஸீ ஜியா, சுவிட்சர்லாந்து போட்டியில் முதல் சுற்றிலேயே வெளியேறினார்.

இன்று அதிகாலை பாசல் நகரில் நடைபெற்ற போட்டியில், சிங்கப்பூரின் ஜேசன் தே அவரிடம் ஸீ ஜியா 12–21, 14–21 என்ற கணக்கில் 28 நிமிடங்களில் தோல்வியடைந்தார். இதன் மூலம் சூப்பர் 300 தரவரிசை கொண்ட இந்தப் போட்டியில் அவரது பயணம் ஆரம்பத்திலேயே முடிவடைந்தது.

இந்த தோல்வியால், 27 வயதான ஸீ ஜியாவின் உலக சுற்றுப்போட்டிகளில் மீண்டும் பட்டம் வெல்லும் முயற்சியும் தற்காலிகமாக தள்ளிப்போயுள்ளது. அவர் கடைசியாக 2024-ஆம் ஆண்டு ஆஸ்திரேலியா திறந்த போட்டியில் சாம்பியன் பட்டம் பெற்றிருந்தார்.

அலோர் ஸ்தார் நகரைச் சேர்ந்த ஸீ ஜியா, தகுதி சுற்றில் ஜப்பானின் மினொரு கோகா, டென்மார்க்கின் டிட்லெவ் ஜேகர் ஹோம் ஆகியோரை வீழ்த்தி முதன்மை சுற்றுக்கு முன்னேறியிருந்தார்.

-கிரித்திக்கா