எரிசக்தி நெருக்கடி: பாகிஸ்தானின் தீவிர நடவடிக்கை 

இஸ்லாமாபாத்: 

அமெரிக்க-இஸ்ரேல், ஈரான் இடையேயான மோதலுக்குப் பின்னர் உலகெங்கிலும் எண்ணெய் விலைகள் உயர்ந்ததன் காரணமாக, எரிசக்தி சேமிப்புக்காக பாகிஸ்தான் அரசு வீட்டிலிருந்து வேலை பார்க்கும் உத்தரவை பிறப்பித்துள்ளது.

பிரதமர் ஷெஹ்பாஸ் ஷரீப், எண்ணெய் விலை பீப்பாய் ஒன்றுக்கு சுமார் 100 அமெரிக்க டாலர் உயர்வதையும், அந்த நாடு வளைகுடாப் பகுதியிலிருந்து எண்ணெய், எரிய வாயுவுக்கு சார்ந்திருப்பதையும் கருத்தில் கொண்டு இந்த நடவடிக்கையை அறிவித்தார்.

“பிராந்திய நிலைமை எங்கள் பொருளாதார நிலைத்தன்மையைப் பாதிக்கிறது, இருப்பினும் அரசு மக்கள் மீது நேரடியாக உள்ள சுமையைத் தவிர்க்க அனைத்து முயற்சிகளையும் செய்கிறது,” என்று ஷெஹ்பாஸ் ஷரீப் கூறினார்.

இதனைத் தொடர்ந்து அரசு எரிசக்தி பயன்பாட்டைக் குறைப்பதற்காக அரசுத் துறையில் வாரத்திற்கு நான்கு நாள் வேலையும் 50 சதவீத ஊழியர்கள் வீட்டிலிருந்தே வேலை செய்யவும் பாக்கிஸ்தான் அரசு அறிவித்துள்ளது.

பள்ளிகள் விடுமுறை நீட்டிக்கப்பட்டும் இரண்டு வாரங்களுக்குப் பிறகு இணையம் மூலம் கற்றல் தொடரப்படும்.

மேலும், ஆம்புலன்ஸ்கள் தவிர அதிகாரப்பூர்வ வாகனங்களுக்கான எரிபொருள் கொடுப்பனவுகள் இரண்டு மாத காலத்திற்கு 50 சதவீதம் குறைக்கப்பட்டுள்ளன.

பாகிஸ்தான் அரசு உலக சந்தையில் விலை மோதலால் 55 ரூபாய் உயர்த்திய பின் இந்த நடவடிக்கை அறிவிக்கப்பட்டது.

மார்ச் 6 அன்று எரிசக்தி நிலையங்களில் திடீர் வாங்குதல் நிலைமையை மேலும் மோசமாக்கியது.

உலகெங்கும் எரிசக்தி நெருக்கடி அதிகரிக்கும் போது, இது நாட்டின் விநியோக சங்கிலிகளுக்கு மேலதிக அழுத்தத்தை ஏற்படுத்தியது.

ஆகையால், அரசு இந்த சிறப்பு நடவடிக்கைகள் நாட்டின் எரிசக்தி வழங்கல் நிலைத்தன்மையை உறுதி செய்ய அவசியம் என வலியுறுத்தியது.

-சங்கீர்த்தனா