நோன்புப் பெருநாளை முன்னிட்டு ரஹ்மா STR உதவித் தொகை முன்னதாகத் தருவது அனைவருக்கும் உதவியாக உள்ளது

சிபு: 

அரசாங்கத்தால் அறிவிக்கப்பட்ட ரஹ்மா ரொக்க பங்களிப்பு (STR) இன் இரண்டாம் கட்டத்தை முன்கூட்டியே செலுத்துவது, பெறுநர்களுக்கு, குறிப்பாக குறைந்த வருமானக் குழுக்களுக்கு, அய்டில்ஃபித்ரிக்கான தயாரிப்புகளைச் செய்வதற்கு நிவாரணம் அளிக்கிறது.

சலவை இயந்திரங்கள், மின்விசிறிகள், பிற மின் சாதனங்களைப் பழுதுபார்க்கும் சுயதொழில் செய்யும் 38 வயதான கமாருதீன் அப்துல் கரீம், இன்று காலை பணம் தனது கணக்கில் உள்ளதைக் கண்டு ஆச்சரியப்பட்டதாகக் கூறினார்.

"எனது வருமானம் நிலையானது அல்ல, வெறும் வாஷிங் மெஷின் அல்லது மின்விசிறிகள் பழுது பார்க்கும் வேலை கிடைக்கும்போது மட்டுமே சம்பளம் கிடைக்கும். இந்த உதவி சிறிது அளவுக்கு நோன்புப் பெருநாள் கொண்டாட்டத்திற்குத் தயாராகுவதில் உதவியாக உள்ளது, குறைந்தது புதிய ராயா உடைகள் வாங்க முடியும்," என்று அவர் பெர்னாமா ஊடகத்திற்குப் தெரிவித்தார்.

இதேவேளை, 32 வயதான புகைப்படக் கலைஞர் முஹம்மத் கைரூதின் ருஷ்தி ஆயுபான், STR நிதி பொதுமக்களுக்கு, குறிப்பாக குறைந்த வருமானம் கொண்டோருக்கு பலனுள்ளதாக இருப்பதாக கூறினார்.

 முன்கூட்டியே வழங்கப்பட்ட உதவி பெறுநர்களுக்கு அய்டில்ஃபித்ரி தயாரிப்புக்கான செலவினங்களைத் திட்டமிட வாய்ப்பு வழங்குகிறது, அதில் தேவையான பொருட்கள், உடைகள், உணவுப் பொருட்கள் வாங்கும் செலவுகளுக்கு உதவியாக உள்ளது என்றார் அவர்.

 அரசாங்கம் உதவியை முன்னேற்பட வழங்கியதை மக்கள் வாழ்கையில் செலவுக் குறைச்சலுக்கு கவனம் செலுத்தும் அணுகுமுறையாக அவர் மதிப்பீடு செய்தார்.

"இப்படிப்பட்ட முயற்சிகள் எதிர்காலத்திலும் தொடரும் என நம்புகிறேன், ஏனெனில் இது நிதி உதவி மட்டுமல்ல, பல குடும்பங்களுக்குக் கொண்டாட்ட தயாரிப்பில் மகிழ்ச்சியும் நிவாரணமும் வழங்குகிறது," என்று அவர் கூறினார்.

நேற்று, பிரதமர் டத்தோ ஸ்ரீ அன்வார் இப்ராஹிம் 2026 ஆம் ஆண்டு STR இரண்டாம் கட்டக் கட்டணத்தை 10 மார்ச்சுக்கு முன்னேற்றப்பட்டதாக அறிவித்தார்.

-சங்கீர்த்தனா