நெதன்யாஹு உயிரிழந்துவிட்டாரா?: இஸ்ரேல் ஊடகம் கடும் மறுப்பு

தேஹ்ரான்: 

இஸ்ரேல் பிரதமர் பெஞ்சமின் நெதன்யாஹு உயிரிழந்திருக்கலாம் அல்லது காயமடைந்திருக்கலாம் என்று ஈரான் ஊடகங்களில் வெளியான தகவல் மறுக்கப்பட்டுள்ளது. இதற்கான உறுதியான ஆதாரம் எதுவும் இல்லை என ஜெருசலேம் போஸ்ட் நாளிதழ் செவ்வாய்க்கிழமை தெரிவித்துள்ளது.

இஸ்லாமிய புரட்சிப் பாதுகாப்புப் படையுடன் (IRGC) தொடர்பு இருப்பதாகக் கூறப்படும் ஈரானின் தஸ்னிம் செய்தி நிறுவனம், திங்கட்கிழமை சில மறைமுக சுட்டுமைகளின் அடிப்படையில் இந்த ஊக தகவலை வெளியிட்டுள்ளது.

அதில், நெதன்யாஹுவின் சமீபத்திய காணொலி பதிவுகள் இல்லாதது, அவரது இல்லத்தில் பாதுகாப்பு அதிகரிக்கப்பட்டதாக வந்த தகவல்கள், அமெரிக்க அதிகாரிகளின் பயணம் ஒத்திவைக்கப்பட்டதாக கூறப்பட்ட தகவல்கள், மேலும் பிரான்ஸ் அதிபர் எமானுவேல் மக்ரோன் உடன் நடந்ததாகக் கூறப்படும் தொலைபேசி உரையாடலின் தேதி குறிப்பிடப்படாதது ஆகியவை காரணங்களாகக் குறிப்பிடப்பட்டன.

ஈரான் நெதன்யாஹு மறைந்திருந்த இடத்தைத் தாக்கி, அவரது சகோதரரைக் கொன்றதாகக் கூறப்பட்ட தகவல் இதுவரை அதிகாரப்பூர்வமாக உறுதி செய்யப்படவில்லை என்று முன்னாள் அமெரிக்க உளவு அதிகாரி ஸ்காட் ரிட்டர் ரஷ்ய ஊடகங்கள் வழியாக கூறியதாக ஒரு குற்றச்சாட்டு அறிக்கையில் மேற்கோள் காட்டப்பட்டது. இருப்பினும் அந்த ஊகம் அதிகாரப்பூர்வமாக உறுதிப்படுத்தப்படவில்லை என்பதை குறிப்பிட்ட நாளிதழ் நிறுவனம் ஒப்புக்கொண்டது.

இதனைத் தொடர்ந்து, மார்ச் 6 அன்று பேர்ஷெபா நகரில் தாக்குதல் ஏற்பட்ட இடத்தை தாம் பார்வையிட்டதாக நெதன்யாஹு மார்ச் 7 அன்று அதிகாரப்பூர்வ அறிக்கையை வெளியிட்டதாக தகவல்கள் தெரிவிக்கின்றன.

மேலும், மக்ரோன் உடனான நெதன்யாஹுவின் தொலைபேசி உரையாடல் உள்ளிட்ட அவரது பிற பொதுச் செயல்பாடுகளும் சர்வதேச ஊடகங்களால் தனித்தனியாக வெளியிடப்பட்டுள்ளன.

மேலும், வேகமாக மாறும் மோதல் சூழ்நிலையில் புதிய காணொலி இல்லாதது, தெளிவில்லாத அதிகாரப்பூர்வ அறிக்கைகள் அல்லது பயண அட்டவணை மாற்றங்கள் போன்றவை எளிதில் ஊகங்களுக்கு வழிவகுக்கும். திங்கட்கிழமை இரவு வரை தஸ்னிம் வெளியிட்ட இந்தத் தகவலை உறுதிப்படுத்தும் நம்பகமான பொது ஆதாரம் எதுவும் இல்லை என்பது குறிப்பிடத்தக்கது.

-சங்கீர்த்தனா