அல்-குர்ஆனை அவமதித்த வழக்கில் தொடர்புடைய மாணவர் மீது விரைவில் குற்றம் சாட்டப்படும்

கோலாலம்பூர்:

அல்-குர்ஆனை அவமதித்ததாகக் கூறி இஸ்லாத்தை அவமதித்ததாக சமூக ஊடகங்களில் சீற்றத்தைத் தூண்டிய மாணவர் மீது நீதிமன்றத்தில் குற்றம் சாட்டப்படும் என்று எதிர்பார்க்கப்படுகிறது.

ஆதாரங்களின்படி, அந்த நபர் மீது விரைவில் குற்றம் சாட்டப்படும் என கூறப்படுகிறது.

இந்த வழக்கு தொடர்பான விசாரணைகளுக்கு உதவுவதற்காக மலேசியா பகாங் அல்-சுல்தான் அப்துல்லா பல்கலைக்கழக மாணவர் இந்த வார தொடக்கத்தில் கைது செய்யப்பட்டார்.

சம்பந்தப்பட்ட நபர் குர்ஆனை மிதிப்பதைக் காட்டும் புகைப்படத்தை சமூக ஊடக தளமான Threads இல் பதிவேற்றிய பின்னர் இந்த சம்பவம் நிகழ்ந்துள்ளது.

இந்தப் பகிர்வு சமூக ஊடக பயனர்களிடையே பரவலான கோபத்தைத் தூண்டியது.

அவர்கள் அதை ஒரு மதத் தூண்டுதல் என்று விவரித்தனர்.

பின்னர் அந்த மாணவர் போலிசாரால் கைது செய்யப்பட்டார்.

மலேசிய தொடர்பு, பல்லூடக ஆணையம் தனது விசாரணையின் ஒரு பகுதியாக மாணவரின் வாக்குமூலத்தையும் பதிவு செய்தது என்பது குறிப்பிடத்தக்கது.

- பார்த்திபன் நாகராஜன்