கேஎல் - ஜேபி இடையே புதிய மின்சார ரயில் சேவை தொடங்குவதைக் குறிக்கும் வகையில் 30% தள்ளுபடியை கேடிஎம் பெர்ஹாட் அறிவித்துள்ளது

கோலாலம்பூர்: 

மலேசியாவின் தேசிய ரயில்வே நிறுவனமான KTMB, டிசம்பர் 12 ஆம் தேதி தொடங்கி JB சென்ட்ரலுக்கு மின்சார ரயில் சேவை (ETS) தொடங்கப்படுவதைக் குறிக்கும் வகையில் 30 சதவீத சிறப்பு தள்ளுபடியை வழங்க இருக்கிறது.

டிசம்பர் 12 முதல் ஜனவரி 11, 2026 வரையிலான பயணங்களுக்கு KL சென்ட்ரல்-JB சென்ட்ரல்-KL சென்ட்ரல் நிலையங்களுக்கு இந்தத் தள்ளுபடி பொருந்தும் என்று KTMB தெரிவித்துள்ளது.

ஜோகூர் பாரு அல்லது கோலாலம்பூரிலிருந்து ஒரு சாதாரண ஒரு வழி கட்டணம் RM82 இலிருந்து தொடங்குகிறது

டிக்கெட்டுகளை வாங்கும் போது JBBEST விளம்பர குறியீட்டைப் பயன்படுத்தி பயணிகள் சலுகையை அனுபவிக்க முடியும் என்று KTMB தலைமை தொழில்நுட்ப அதிகாரி அஹ்மத் நிஜாம் முஹம்மது அமின் கூறினார்.

பொது போக்குவரத்தை அணுகுவது தினசரி இயக்கத்தை எளிதாக்குவது மட்டுமல்லாமல், சிங்கப்பூரைச் சேர்ந்தவர்கள் உட்பட அதிகமான சுற்றுலாப் பயணிகளை ஈர்ப்பதன் மூலம் ஜோகூர் சுற்றுலாத் துறையையும், பொருளாதாரத்தின் வளர்ச்சியையும் ஆதரிக்கிறது என்று அவர் கூறினார்.

“பள்ளி விடுமுறை காலம், ஆண்டு இறுதி காலத்திற்கு முன்னதாக இந்த செயல்படுத்தல் சரியான நேரத்தில் மேற்கொள்ளப்படுகிறது. இந்த நேரத்தில் பல மலேசியர்கள் தங்கள் விடுமுறைக்காக ஜோகூருக்கு பயணம் செய்கிறார்கள். அதே நேரத்தில் ஜோகூரில் வசிப்பவர்கள் ETS சேவை மூலம் மாநிலத்திற்கு வெளியே உள்ள இடங்களுக்கு எளிதாக பயணிக்க முடியும்.

- பார்த்திபன் நாகராஜன்