இந்திய ரூபாய் மதிப்பு வரலாறு காணாத வீழ்ச்சி: ஒரு அமெரிக்க டாலர் மதிப்பு ரூ.90 ஆக சரிவு

புதுடெல்லி: 

அமெரிக்க டாலருக்கு நிகரான இந்​திய ரூபா​யின் மதிப்பு நேற்​றைய அந்​நியச் செலா​வணி சந்​தை​யில் வரலாறு காணாத வீழ்ச்​சியை சந்​தித்​தது.

இதுகுறித்து அந்​நியச் செலா​வணி சந்தை வட்​டாரத்​தினர் கூறுகை​யில், “நடப்பு 2025-ம் ஆண்​டில் உலக நாடு​கள் கரன்​ஸிகளு​டன் ஒப்​பிடும்​போது இந்​திய ரூபாய் மிக​வும் மோச​மான செயல்​பாட்டை வெளிப்​படுத்​தி​யுள்​ளது. முதல் முறை​யாக டாலருக்கு நிக​ரான ரூபா​யின் மதிப்பு 90-க்​கும் கீழ் சரிவை சந்​தித்​துள்​ளது.

அமெரிக்காவிற்கும் இந்​தியாவுக்கும் இடையே வரி விவ​காரத்​தில் இன்​னும் உடன்​பாடு ஏற்​ப​டா​மல் உள்​ளது. இதனால், அமெரிக்கா, இந்​தியா இடையே​யான வர்த்தக ஒப்​பந்​தத்​தில் இழுபறிநிலை நீடித்து வரு​கிறது. அதன் தாக்​கம் அந்​நியச் செலா​வணி சந்​தை​யில் ரூபாய் மதிப்​பில் மோச​மான எதிர்​விளைவு​களை ஏற்​படுத்தி வரு​கிறது என்​று கூறப்படுகிறது.

முதலீடு வெளியேற்றம்: மிரே அசட் ஷேர்​கான் நிறு​வனத்​தின் ஆய்​வாளர் அனுஜ் சவுத்ரி கூறுகை​யில், “ அந்​நிய முதலீட்​டாளர்​களின் முதலீடு கணிச​மான அளவில் வெளி​யேறி வரு​வது, சர்​வ​தேச சந்​தை​யில் அதி​கரித்து வரும் கச்சா எண்​ணெய் விலை ஆகிய​வற்​றால் ரூபாய் மதிப்பு நேற்​றைய வர்த்​தகத்​தின்​போது 90.30-க்​கும் கீழ் சரிந்​தது. இந்​தி​யா-அமெரிக்கா இடையே வர்த்தக உடன்​பாடு குறித்த நிச்​சயமற்ற தன்​மை​யும் ரூபாய் மதிப்​பில் கூடு​தல் அழுத்​தத்தை உரு​வாக்​கி​யுள்​ளது” என்​றார்.

புதன்​கிழமை காலை வர்த்​தகத்​தின் இடையே ரூபாய் மதிப்பு முதல் முறை​யாக 90.30 வரை சரிந்​தது. அதன்​பிறகு வர்த்​தகம் முடி​யும் நேரத்​தில் ரூபாய் மதிப்பு முந்​தைய நாளான செவ்​வாய்க்​கிழமையை விட 25 காசுகள் குறைந்து 90.21-ல் நிலைத்​தது.

மலேசிய ரிங்கிட் ஒரு டாலருக்கு 4.12 ஆக விற்பனை செய்யப்படுகிறது.

- ஆர்யன்