மோயோக் தொகுதி வேட்பாளர் ரெமிஸ்டா ஜிம்மி சபா மக்களின் குரலாக ஒலிப்பார்: டத்தோஸ்ரீ ரமணன்

கோத்தா கினபாலு:

மோயோக் சட்டமன்ற தொகுதியின் நம்பிக்கை கூட்டணி வேட்பாளர் ரெமிஸ்டா ஜிம்மி சபா மக்களின் குரலாக ஓங்கி ஒலிப்பார்.

கெஅடிலான் உதவித் தலைவர் டத்தோஸ்ரீ ரமணன் ராமகிருஷ்ணன் இதனை கூறினார்.

சபா தேர்தலில் மோயோக் சட்டமன்ற தொகுதியில் நம்பிக்கை கூட்டணி சார்பில்  ரெமிஸ்டா ஜிம்மி டெய்லர் போட்டியிடுகிறார்.

அவருக்கு மக்களின் வரவேற்பு எவ்வளவு நன்றாக இருந்தது என்பதை நான் தனிப்பட்ட முறையில் உணர்ந்தேன்.

மிகவும் உறுதியான நம்பகத்தன்மை கொண்ட ஓர் இளைஞன். அவர் ஹராப்பான் உரங் சபாவின் குரலைக் கொண்டு வருகிறார்.

நான் ரெமிஸ்டாவை வாக்காளர்களுக்கு அறிமுகப்படுத்த விரும்பும் ஒவ்வொரு முறையும், மக்கள் புன்னகைத்து, எங்களுக்கு ஏற்கனவே அவரைத் தெரியும் என்று கூறுகிறார்கள்.

அது ஒரு சாதாரண பதில் அல்ல.
கொடி பறக்கும் போது தோன்றுவது மட்டுமல்லாமல், ரெமிஸ்டா உண்மையில் இங்குள்ள சமூகத்துடன் நீண்ட காலமாக ஒன்றிணைந்து கலந்து வாழ்ந்து வருகிறார் என்பதற்கான அறிகுறியாகும்.

ரெமிஸ்டா உண்மையான மோயோக் பூர்வீகத்தைக் கொண்டவர். இங்கு பிறந்து, இங்கு வளர்ந்து, தனது இதயத்திற்கு நெருக்கமான மோயோக் நிலத்தில் தொடர்ந்து வாழ்கிறார்.

கிராமங்கள் வழியாக நடந்து செல்லும்போது அவர் மக்களை அறிந்துள்ளார்.

அவர்களின் பிரச்சினைகளை அவர் எளிதில் புரிந்துகொள்கிறார்.

மேலும் அந்தந்த குடும்பங்களின் எதிர்காலத்திற்காக அவர்கள் என்ன கனவு காண்கிறார்கள் என்பதையும் அறிவார் என்பது தெளிவாகிறது.

மோயோக் வாக்காளர்களை அணுகுவதற்கான எங்கள் முயற்சிகளைத் தொடர்வோம்.       

அவர்கள் நம்பிக்கை கூட்டணி வேட்பாளர்களை மதிப்பீடு செய்ய முடியும்.

நம்பிக்கை கூட்டணி சபா மக்களின் குரல்களை மத்திய அரசாங்கத்துடன் 
இணைந்து கொண்டு வரும் என்பது உறுதி.

மேலும் மோயோக் தொகுதியில் ரெமிஸ்டா ஜிம்மி வெற்றி பெற்றால் அவர் நிச்சயம் சபா மக்களின் குரலாக விளங்குவார்.

இவ்வாறு தொழில் முனைவோர் மேம்பாடு கூட்டுறவு துணையமைச்சருமான டத்தோஸ்ரீ ரமணன் கூறினார்.

- பார்த்திபன் நாகராஜன்