உள்ளூர் வேட்பாளர் ரெமிஸ்டா ஜிம்மி டெய்லரை மோயோக் வாக்காளர்கள் ஆதரிக்க வேண்டும்: டத்தோஸ்ரீ ரமணன்

கோத்தா கினபாலு:

நம்பிக்கை கூட்டணியின் உள்ளூர் வேட்பாளர் ரெமிஸ்டா ஜிம்மி டெய்லரை  மோயோக் வாக்காளர்கள் ஆதரிக்க வேண்டும்.

கெஅடிலான் உதவித் தலைவர் டத்தோஸ்ரீ ரமணன் ராமகிருஷ்ணன் இதனை வலியுறுத்தினார்.

ரெமிஸ்டா ஜிம்மி டெய்லர் தொகுதியில் முழுமையாக வேரூன்றி அதன் நீண்டகால பிரச்சினைகளை நன்கு அறிந்தவர்.

அவர் மோயோக்கில் பிறந்தார், மோயோக்கில் படித்தார், மோயோக்கில் வசிக்கிறார், மொயோக்கில் திருமணம் செய்து கொள்வார். 

அவரது உள்ளூர் அடையாளம் அவரை தனித்துவமாக்குகிறது.

மேலும் அப்பகுதியில் உள்ள வாக்காளர்கள் மிகவும் தெளிவான, எளிமையான தேர்வை எதிர்கொள்கிறார்கள்.

நேற்று  தாமு டோங்கோங்கனில் ஒரு நடைப்பயணத்தின் போது சந்தித்தபோது டத்தோஸ்ரீ ரமணன் இவ்வாறு கூறினார்.

அவர்கள் பெரும்பாலும் தங்கள் அன்றாட சவால்களை உண்மையாகப் புரிந்துகொள்ளும் பிரதிநிதிகளையே விரும்புகிறார்கள்.

கட்சி இணைப்பு முக்கியமானதாக இருந்தாலும், நம்பிக்கை கூட்டணி அதன் வலுவான சொத்தாகிய பிரதமர் டத்தோஸ்ரீ அன்வார் இப்ராஹிமின் தலைமையை தொடர்ந்து நம்பியுள்ளது.

தற்போதைய அவரின் நிர்வாகம் சபாவிற்கு சாதனை ஒதுக்கீடுகளை வழங்கியுள்ளது.

மேலும் டத்தோஸ்ரீ அன்வாரின் கீழ் மலேசியாவின் சர்வதேச ஈடுபாடுகள் கூட்டணியில் நேர்மறையான விளைவைக் கொண்டுள்ளன என்று அவர் கூறினார்.

- பார்த்திபன் நாகராஜன்