மஇகாவும் தேசிய முன்னணியும் எதிரிகள் அல்ல; சந்திக்கத் தயார்: டான்ஸ்ரீ விக்னேஸ்வரன்

கோலாலம்பூர்:

மஇகாவும் தேசிய முன்னணியும் எதிரிகள் அல்ல என்று அக்கட்சியின் தலைவர் டான்ஸ்ரீ விக்னேஸ்வரன் கூறினார்.

கூட்டணியில் கட்சியின் எதிர்காலம் குறித்து விவாதிக்க அழைக்கப்பட்டால், தேசிய முன்னணி தலைமையுடன் மஇகா சந்திப்புக்கு தயாராக உள்ளது.

டத்தோஸ்ரீ டாக்டர் அகமது ஜாஹித் ஹமிடி தலைமையிலான கூட்டணியையும் அம்னோவையும் மஇகா ஒருபோதும் எதிரிகளாகக் கருதியதில்லை.

தற்போது தேசிய முன்னணியுடன் ஒரு சந்திப்பை நடத்த எங்களுக்கு அழைப்பு வரவில்லை.

நாங்கள் எப்போது வேண்டுமானாலும் சந்திக்கலாம். தேசிய முன்னணி, அம்னோ, மஇகா எதிரிகள் அல்ல.

நாங்கள் 60 ஆண்டுகளுக்கும் மேலாக ஒன்றாக இருக்கிறோம் என்பதை அனைவரும் புரிந்து கொள்ள வேண்டும்.

நாங்கள் கட்சியின் எதிர்காலத்திற்காக எல்லாவற்றையும் செய்கிறோம்.
ஏனென்றால் மஇகாவிற்கு இடம் கொடுக்கப்படவில்லை என்பதை நாங்கள் காண்கிறோம்.

மேலும் ஒரு முடிவு எடுக்கப்படும்போது மஇகா யாரையும் அச்சுறுத்த விரும்புகிறது என்று அர்த்தமல்ல.

மஇகா ஒருபோதும் அப்படி இருந்ததில்லை. யாரையும் ஒருபோதும் ஊக்கப்படுத்த விரும்பவில்லை என்று டான்ஸ்ரீ விக்னேஸ்வரன் கூறினார்.

முன்னதாக மஇகாவின் உயர்மட்டத் தலைமையுடன் கலந்துரையாடலுக்காக ஒரு சந்திப்பை ஏற்பாடு செய்ய தேசிய முன்னணி துணைத் தலைவர் டத்தோஸ்ரீ முகமது ஹசன் மேற்கொண்ட முயற்சிகள் சிறந்த அணுகுமுறை என்று அதன் தலைவர் டத்தோஸ்ரீ ஜாஹித் ஹமிடி கூறினார் என்பது குறிப்பிடத்தக்கது.

- பார்த்திபன் நாகராஜன்