வண்ணச்சாயங்களில் உள்ள காரீயம் நீக்க ஒழுங்குமுறை நடவடிக்கைகள் தேவை: பினாங்கு பயனீட்டாளர் சங்கம் வேண்டுகோள்

பினாங்கு:

உலக சுகாதார நிறுவனம்  அக்டோபர் 19 லிருந்து 25 வரை சர்வதேச ஈய நச்சு தடுப்பு வாரமாக  அங்கீகரித்துள்ளது.

குறிப்பாக குழந்தைகள், கர்ப்பிணிப் பெண்கள், தொழிலாளர்கள் மீது காரீய வெளிப்பாட்டின் உடல்நல பாதிப்புகளை நிவர்த்தி செய்வதற்கான விழிப்புணர்வை ஏற்படுத்தவும் நடவடிக்கைகளை எடுக்கவும் இது உதவுகிறது.

இந்த ஆண்டின் கருப்பொருள், "பாதுகாப்பான நிலை இல்லை: காரிய வெளிப்பாட்டை முடிவுக்குக் கொண்டுவர இப்போதே செயல்படுங்கள்" என்பதாகும்.

காரிய வெளிப்பாட்டின் ஏற்றுக்கொள்ள முடியாத அபாயங்கள் மற்றும் பாதிக்கப்படக்கூடிய மக்களின், குறிப்பாக குழந்தைகளின் ஆரோக்கியத்தைப் பாதுகாக்க வேண்டிய அவசரத் தேவையை இது  நினைவூட்டுகிறது என்றார் பினாங்கு பயனீட்டாளர் சங்கத்தின் தலைவர் முஹைதீன் அப்துல் காதர்.

காரீய நச்சுத்தன்மையைத் தடுக்க எடுக்கப்பட வேண்டிய நடவடிக்கைகளில், நன்கு நிரூபிக்கப்பட்ட, பரவலான ஈய வெளிப்பாட்டின் ஆதாரமான அனைத்து வண்ணச்சாயங்களி இருக்கும் காரீயத்தை தடைசெய்யும் வலுவான விதிமுறைகளை ஏற்றுக்கொள்வதும் செயல்படுத்துவதும், ஈய வண்ணச்சாயங்களின் உற்பத்தியில் பயன்படுத்தப்படும் மிகவும் பொதுவான நிறமிகளான ஈய குரோமேட்டுகளின் உலகளாவிய வர்த்தகத்தைக் கட்டுப்படுத்துவதும் அடங்கும்.

பினாங்கு பயனீட்டாளர் சங்கம், மலேசிய வண்ணச்சாயம் மற்றும் பூச்சு உற்பத்தியாளர்கள் சங்கம்  ஆகியவை மலேசிய அரசாங்கத்தை வண்ணச்சாயங்களில் காரீயத்தை அகற்றுவதற்கான ஒழுங்குமுறை நடவடிக்கைகளை விரைவுபடுத்துமாறு கேட்டுக்கொள்கின்றன.

2023 ம் ஆண்டில் 31 வண்ணச்சாயங்களை  பகுப்பாய்வு செய்ததில் 31 மாதிரிகளில் 15 ல் காரீயம் இருப்பது கண்டறியப்பட்டது.

பெயிண்ட் உற்பத்தியாளர் வேண்டுமென்றே ஏதேனும் ஒரு நோக்கத்திற்காக பெயிண்டில் ஒன்று அல்லது அதற்கு மேற்பட்ட காரீய கலவைகளைச் சேர்க்கும்போது பெயிண்ட்களில் அதிக அளவு ஈயம் உள்ளது.

காரீயம் என்பது உடல் அமைப்புகளைப் பாதிக்கும் ஒரு குவியும் நச்சுப் பொருள்.

இளம் குழந்தைகள், கர்ப்பிணிப் பெண்களுக்கு காரீயம் குறிப்பாக ஆபத்தானது என்றாலும், இது வெளிப்படும் அனைவருக்கும் தீங்கு விளைவிக்கும்.

இளம் குழந்தைகள் குறிப்பாக ஈய நச்சுக்கு ஆளாகிறார்கள் என்று முஹைதீன் அப்துல் காதரும்
மலேசிய வண்ணச்சாய உற்பத்தியாளர் சங்கத்தின் உதவித் தலைவர்
தியோ ஈ பெங்கும் கூறினர்.

- ஃபிதா