அரசாங்கத்தின் தீபாவளி திறந்த இல்ல உபசரிப்பில் திரளானோர் திரண்டது மக்களின் ஒற்றுமையின் வலுவான சான்றாகும்: கோபிந்த் சிங்

கோலாலம்பூர்:

மடானி அரசாங்கத்தின் தீபாவளி திறந்த இல்ல உபசரிப்பில் திரளானோர் திரண்டனர்.

இது  மக்களின் ஒற்றுமைக்கு வலுவான சான்றாகும் என்று இலக்கவியல் அமைச்சர் கோபிந்த் சிங் கூறினார்.

மடானி அரசாங்கத்தின் தீபாவளி திறந்த இல்ல உபசரிப்பு  பிரிக்பீல்ட்ஸ் கேஎல் செண்டரில் கோலாகலமாக நடைபெற்றது.

இந்த கொண்டாட்டத்தில் வெள்ளம் போல் திரண்ட 5,000 க்கும் மேற்பட்ட மக்களுக்கு எனது பாராட்டுகள்.

இந்த அசாதாரண வருகை இந்த நாட்டில் பல்வேறு இன மக்களிடையே ஒற்றுமை மற்றும் நல்லிணக்கத்தின் வலுவான சான்றாகக் கருதப்பட்டது.

மேலும் எதிர்பார்ப்புகளை மீறிய பங்கேற்பாளர்களின் எண்ணிக்கை, மடானி மலேசியா கருத்தின் மூலம் பொதிந்துள்ள உள்ளடக்கிய மதிப்புகள் மற்றும் நல்லிணக்கத்தை மலேசியர்கள் பாராட்டுகிறார்கள் என்பதை நிரூபித்தது.

இன்றைய நிகழ்வை வெற்றிகரமாக்க வந்த அனைவருக்கும் நன்றி தெரிவிக்க இந்த வாய்ப்பைப் பயன்படுத்திக் கொள்கிறேன்.

தீபாவளி மடானி திறந்தவெளி இல்லத்திற்குப் பிறகு செய்தியாளர்களைச் சந்தித்தபோது அவர் இவ்வாறு கூறினார்.

- பார்த்திபன் நாகராஜன்