பள்ளிகளில் அதிகரிக்கும் வன்முறை, மாணவர்கள் மனநல பிரச்சினைகள்; உடனடி நடவடிக்கைகள் தேவை: அர்விந்த்

கோலாலம்பூர்:

பள்ளிகளில் அதிகரிக்கும் வன்முறை, மாணவர்கள் மனநல பிரச்சினைகளுக்கு உடனடி நடவடிக்கைகள் எடுக்கப்பட வேண்டும்.

மஇகா துணைத் தலைவர் அர்விந்த் கிருஷ்ணன் இதனை கூறினார்.

சமீப காலங்களில் பள்ளி மாணவர்கள் சம்பந்தப்பட்ட தொடர்ச்சியான துயர சம்பவங்கள் நடந்து வருகிறது.

பள்ளிகளில் பாலியல் வன்கொடுமை வழக்குகள், எஸ்பிஎம் வேட்பாளர்கள் சம்பந்தப்பட்ட தற்கொலை வழக்குகள், இன்று நடந்த கொலை வழக்கு குறித்து மஇகா இளைஞர் பிரிவு அதிர்ச்சியையும் ஏமாற்றத்தையும் வெளிப்படுத்துகிறது.

இன்னும் கவலையளிக்கும் விதமாக, இந்த சம்பவங்கள் அனைத்தும் பள்ளி வளாகங்களிலும் பள்ளி நேரங்களிலும் நடந்துள்ளன.

இந்த நிலைமை ஒரு கடுமையான சமூக, தார்மீக நெருக்கடியை பிரதிபலிக்கிறது

இது உடனடியாகவும் முழுமையாகவும் தீர்க்கப்பட வேண்டும்.

பள்ளிகள் மாணவர்கள் அறிவைப் பெறுவதற்கும் எதிர்காலத்தை உருவாக்குவதற்கும் பாதுகாப்பான இடமாக இருக்க வேண்டும்.

அதிர்ச்சி அல்லது பயத்தை ஏற்படுத்தும் இடமாக அல்ல.

மாணவர்களின் உடல் பாதுகாப்பு மற்றும் மன நல்வாழ்வு ஒரு தேசிய முன்னுரிமையாக உயர்த்தப்பட வேண்டும். ஒரு பக்க பிரச்சினையாக அல்ல.

மேலும் மலேசியாவின் கல்வி அமைச்சு தொடர்புடைய நிறுவனங்கள் பின்வரும் உறுதியான நடவடிக்கைகளை செயல்படுத்துமாறு மஇகா இளைஞர் பிரிவு வலியுறுத்துகிறது.

கொடுமைப்படுத்துதல், துன்புறுத்தல், துஷ்பிரயோகம் தொடர்பான வழக்குகளுக்கு ரகசிய புகார் சேனலை நிறுவுதல் உட்பட, அனைத்து பள்ளிகளிலும் மாணவர் பாதுகாப்பு கொள்கைகளை வலுப்படுத்துதல்.

மாணவர்களுக்கு கட்டாய மனநல பரிசோதனை, ஆலோசனையை செயல்படுத்த வேண்டும்.

உணர்ச்சி துயரம் அல்லது ஆக்கிரமிப்பு நடத்தையின் ஆரம்ப அறிகுறிகளை அடையாளம் காண பள்ளிகள், பெற்றோர்கள், சமூக அமைப்புகளுக்கு இடையேயான ஒத்துழைப்பை வலுப்படுத்துதல்.

மாணவர் பாதுகாப்பை உறுதி செய்வதற்காக பள்ளிப் பகுதிகளில் வழக்கமான திடீர் சோதனைகளை நடத்த போலிசார் ஈடுபடுத்துங்கள்.

இழக்கப்படும் ஒவ்வொரு மாணவரின் உயிரும் வெறும் புள்ளி விவரம் மட்டுமல்ல.

அவர்கள் பறிக்கப்பட்ட நாட்டின் எதிர்காலம், உடைந்த குடும்பங்கள் மற்றும் காயமடைந்த சமூகங்களை விட்டுச் செல்கிறார்கள்.

போதும் போதும். வெறும் அறிக்கைகள் அல்லது வாக்குறுதிகள் அல்ல.

உறுதியான, முறையான தடுப்பு நடவடிக்கை எடுக்க வேண்டிய நேரம் இது என்று அர்விந்த் கிருஷ்ணன் கூறினார்.

- பார்த்திபன் நாகராஜன்