அடுத்த 5 ஆண்டுகளுக்கு யாரும் வாடகையை உயர்த்தக் கூடாது: பட்டத்து இளவரசர் முஹம்மது பின் சல்மான் உத்தரவு

ரியாத்:

ரியாத்தில் குடியிருப்புகளுக்கும் வணிக சொத்துக்களுக்குமான வருடாந்திர வாடகை உயர்வை ஐந்து ஆண்டுகளுக்கு நிறுத்தி வைத்துள்ளது சவுதி அரேபியா அரசாங்கம்.

இதற்கான உத்தரவை பட்டத்து இளவரசர் முஹம்மது பின் சல்மான் அதிரடியாகப் பிறப்பித்தார்.

அவரது உத்தரவுகளைத் தொடர்ந்து, நில உரிமையாளர்-குத்தகைதாரர் உறவுகளை நிர்வகிப்பதையும் ஒழுங்குபடுத்துவதையும் நோக்கமாகக் கொண்ட ஒரு முக்கிய நடவடிக்கையாகும் என்று அரசு நடத்தும் பத்திரிகை நிறுவனமான SPA தெரிவித்துள்ளது.

செப்டம்பர் 25, 2025 முதல் அமலுக்கு வரும் இந்த முடிவு, சமீபத்திய ஆண்டுகளில் தலைநகரின் அதிகரித்து வரும் வாடகையை நிவர்த்தி செய்வதற்கும், மிகவும் சீரான ரியல் எஸ்டேட் சந்தையை ஊக்குவிப்பதற்கும் வடிவமைக்கப்பட்ட பரந்த அளவிலான ஒழுங்குமுறை நடவடிக்கைகளின் இது ஒரு பகுதியாகும் என்று சவுதி அரசு கூறியுள்ளது.

கூடுதலாக, இந்த விதிமுறைகளை செயல்படுத்துவது குறித்து அவ்வப்போது அறிக்கை அளிக்கவும், சந்தை விலைகள், தொடர்புடைய ரியல் எஸ்டேட் குறிகாட்டிகள் குறித்த புதுப்பிப்புகள் உட்பட அனைத்தும் பட்டத்து இளவரசர் பார்வைக்கு வர வேண்டும் என்று அவர் உத்தரவிட்டுள்ளார். 

இது, அனைத்து தரப்பினரின் உரிமைகளையும் பாதுகாக்கும் அதே வேளையில், கட்டிடத் துறையில் சமநிலையைப் பேணுவதற்கான அவரது உறுதிப்பாட்டை பிரதிபலிக்கிறது என்று அரசு அதிகாரி ஒருவர் கூறினார்.

- ஃபிதா