டாக்டர் ஃபாத்திமா அல் ஹர்பி, 2025 ஆம் ஆண்டிற்கான சைபர் பாதுகாப்பில் உலகின் சிறந்த பெண்மணியாகத் தேர்வு

துபாய்: 

சவுதி அரேபியாவின் சைபர் பாதுகாப்பு நிபுணரான டாக்டர் பாத்திமா அல் ஹர்பி, 2025 ஆம் ஆண்டிற்கான சைபர் பாதுகாப்பில் உலகின் சிறந்த பெண்மணியாகத் தேர்ந்தெடுக்கப்பட்டுள்ளார்.

இது தொடர்ந்து இரண்டாவது ஆண்டாக அவர் இந்த கௌரவத்தைப் பெற்றதைக் குறிக்கிறது என்று அல்ரியாத் செய்தித்தாள் தெரிவித்துள்ளது.

இந்த விருது செப்டம்பர் 23 அன்று சவுதி அரேபியாவின் 95வது தேசிய தினத்துடன் இணைந்து லேக் கோமோவில் வழங்கப்பட்டது.

உலகளாவிய சைபர் பாதுகாப்பு உத்தி மற்றும் தரவு பாதுகாப்பிற்கான அவரது பங்களிப்புகளுக்காக அல் ஹர்பி அங்கீகரிக்கப்பட்டார். 

பெரும்பாலும் ஆண்கள் ஆதிக்கம் செலுத்தும் ஒரு துறையில் ஒரு பெண் சர்வதேச அரங்கில் சாதித்துள்ளது குறிப்பிடத்தக்கது.

தனது விருதை மன்னர் சல்மான் பின் அப்துல் அஜிஸ், பட்டத்து இளவரசர் முஹம்மது பின் சல்மான், சவுதி மக்களுக்கு அர்ப்பணித்த அவர், "இந்த அங்கீகாரம் ஒரு தனிப்பட்ட மைல்கல் மட்டுமல்ல, டிஜிட்டல், சைபர் பாதுகாப்புத் துறையில் எனது நாட்டின் வளர்ந்து வரும் பங்கிற்கு ஒரு சான்றாகும்" என்று விழாவிற்குப் பிறகு கூறினார். 

- ஃபிதா