காரில் பெண்ணின் சடலம்; 6 பேர் கைது: போலிசார் மீது துப்பாக்கிச் சூடு நடத்திய ஆடவர் தலைமுறைவு

ஈப்போ:

காரில் பெண்ணின் சடலம் மீட்கப்பட்ட சம்பவம் தொடர்பில்  6 பேரை போலிசார் கைது செய்துள்ளனர்.

மேலும் போலிசார் மீது துப்பாக்கிச் சூடு நடத்திய ஆடவர் இன்னும் தலைமறைவாக உள்ளார்.

பேரா மாநில போலிஸ் தலைவர் டத்தோ நூர் ஹிசாம் நோர்டின் இதனை உறுதிப்படுத்தினார்.

நேற்று அதிகாலை சிம்பாங் பூலாயில் ஒரு போலிஸ்காரரை கத்தியால் குத்தி சுட்டுக் கொன்ற நபரின் வாகனத்தில் ஒரு பெண்ணின் உடல் கண்டெடுக்கப்பட்டது.

இதைத் தொடர்ந்து போலிசார் ஆறு பேரை கைது செய்துள்ளனர். கைது செய்யப்பட்டவர்களில் ஐந்து ஆண்கள், ஒரு பெண் உள்ளடங்குவர்.

கைது செய்யப்பட்ட சந்தேக நபர்களில் முக்கிய சந்தேக நபரின் குடும்ப உறுப்பினர்கள் அடங்குவர். 

இந்த வழக்கில் அவர்களின் பங்கைக் கண்டறிய இன்னும் விசாரணைகள் நடந்து வருகின்றன.

பாதிக்கப்பட்ட 62 வயது பெண்ணின் அடையாளம் அடையாளம் காணப்பட்டது.

அதே நேரத்தில் பிரேத பரிசோதனை முடிவுகள் பாதிக்கப்பட்டவர் மூச்சுத் திணறல் தொடர்பான காரணங்களால் இறந்ததாகக் காட்டியது என்று அவர் கூறினார்.

- பார்த்திபன் நாகராஜன்