இண்டியா கூட்டணியின் குடியரசு துணைத் தலை​வர் வேட்பாளர் சுதர்சன் ரெட்டி ஆதரவு கேட்டு சென்னை வருகிறார்

சென்னை: 

இண்​டியா கூட்​ட​ணி​யின் குடியரசு துணைத் தலை​வர் வேட்​பாளர் சுதர்​சன் ரெட்​டி, நாளை சென்னை வந்து முதல்​வர் மு.க.ஸ்​டா​லின் மற்​றும் கூட்​ட​ணிக் கட்​சிகளின் தலை​வர்​களை சந்​தித்து ஆதரவு கோரு​கிறார். 

குடியரசுத் துணைத் தலை​வ​ராக​வும் மாநிலங்​கள​வைத் தலை​வ​ராக​வும் இருந்த ஜெகதீப் தன்​கர் ஜூலை 21-ம் தேதி உடல்​நிலையை காரணம் காட்டி திடீரென ராஜி​னாமா செய்​தார். இதையடுத்​து, புதிய குடியரசு துணைத் தலை​வரை தேர்வு செய்​வதற்​கான நடவடிக்​கையை உடனே தேர்​தல் ஆணை​யம் தொடங்​கியது.

செப்​.9-ஆம் தேதி தேர்​தல் நடை​பெறும் என்று அறிவிக்​கப்​பட்​டது. குடியரசுத் துணைத் தலை​வரை மக்​களவை, மாநிலங்​களவை எம்​.பி.க்​கள் இணைந்து தேர்வு செய்​வார்​கள். 

மக்​களவை​யில் தற்​போது 542 எம்​பிக்​கள் உள்​ளனர். ஓர் இடம் காலி​யாக உள்​ளது. அதே​போல் மாநிலங்​களவை​யில் 239 எம்​பிக்​கள் உள்​ளனர். 6 இடங்​கள் காலி​யாக உள்​ளன. 

இந்​நிலை​யில், பாஜக தலை​மையி​லான தேசிய ஜனநாயக கூட்​ட​ணி​யின் வேட்​பாள​ராக, மகா​ராஷ்டிர மாநில ஆளுந​ரான சி.பி.​ரா​தாகிருஷ்ணன் அறிவிக்​கப்​பட்​டார்.

நாடாளு​மன்ற இரு அவை​களி​லும், பாஜக கூட்​ட​ணிக்கு பெரும்​பான்மை உள்ள நிலை​யில், சி.பி.​ரா​தாகிருஷ்ணனை ஒரு​மன​தாக தேர்வு செய்ய வைக்​கும் முயற்​சி​யில் பாஜக தலைமை ஈடு​பட்​டது. 

இதற்​கிடை​யில், இண்​டியா கூட்​டணி சார்​பில் அரசி​யல் சார்​பற்ற ஒரு​வரை நிறுத்த ஆலோ​சனை நடை​பெற்​று, இறு​தி​யாக ஆந்​தி​ராவைச் சேர்ந்த உச்ச நீதி​மன்ற முன்​னாள் நீதிபதி சுதர்​சன் ரெட்டி பெயர் அறிவிக்​கப்​பட்​டது. 

அவரும், இண்​டியா கூட்​டணி தலை​வர்​கள் முன்​னிலை​யில் தனது வேட்​புமனுவை தாக்​கல் செய்​துள்​ளார். இதைத்​தொடர்ந்​து, அவர் ஒவ்​வொரு மாநில​மாக சென்று இண்​டியா கூட்​டணி தலை​வர்​களை சந்​தித்து ஆதரவு திரட்டி வரு​கிறார்.

- ஆர்யன்