டிக்கெட் கட்டண சலுகையை அறிவித்தது ஏர் இந்தியா எக்ஸ்பிரஸ்

புது டெல்லி: 

பல்வேறு சர்ச்சைகளில் சிக்கியுள்ள ஏர் இந்தியா நிறுவனம் இந்தியாவில் உள்நாட்டு பயணங்களுக்கான விமான டிக்கெட் கட்டண சலுகையை அறிவித்துள்ளது.

இதுதொடர்பாக அந்த நிறுவனம் வெளியிட்டுள்ள அறிக்கையில், ஏர் இந்தியா எக்ஸ்பிரஸ்' நிறுவனம், உள்நாட்டு விமான சேவைகளை அதிகரிக்கும் வகையில், புதிய திட்டங்களை செயல்படுத்துகிறது.

 'எக்ஸ்பிரஸ் லைட்' திட்டம், ரூ. 1,299 இருந்து துவங்குகிறது. இது உள்நாட்டு பயணத்திற்கு பொருந்தும். இதில், கூடுதல் உடைமைகளை எடுத்துச் செல்ல முடியாது.

இதே போல், 'எக்ஸ்பிரஸ் வேல்யூ' திட்டம் ரூ. 1,499 ரூபாயில் இருந்து துவங்குகிறது. ஆக., 7ம் தேதி வரை முன்பதிவு செய்து கொள்ளலாம். ஆக., 11 முதல் செப்., 21ம் தேதி வரை, பயன்படுத்திக் கொள்ள முடியும்.

மாணவர்கள், முதியோருக்கு விமான 'டிக்கெட்' கட்டணத்தில், குறிப்பிட்ட தள்ளுபடிகள் உள்ளன.

இவை அனைத்தும் நிபந்தனைகளுக்கு உட்பட்டவை. கூடுதல் விபரங்களை, 'airindiaexpress.com' என்ற இணையதளத்தில் தெரிந்து கொள்ளலாம் என்று தெரிவிக்கப்பட்டுள்ளது.

- ஆர்யன்