அனைத்து இனங்களின் நலன்களைப் பாதுகாப்பதில் மடானி அரசு உறுதியாக உள்ளது: டத்தோஸ்ரீ ரமணன்

சுங்கைபூலோ:

அனைத்து இனங்களின் நலன்களைப் பாதுகாப்பதில்  மடானி அரசு உறுதியாக உள்ளது.

தொழில் முனைவோர் மேம்பாடு கூட்டுறவு துணையமைச்சர் டத்தோஸ்ரீ ரமணன் ராமகிருஷ்ணன் இதனை கூறினார்.

பிரதமர் டத்தோஸ்ரீ அன்வார் இப்ராஹிம் தலைமையிலான ஒற்றுமை அரசாங்கம் பொருளாதார மீட்சியுடன் தேசிய ஒற்றுமையை வலுப்படுத்துகிறது.

மேலும் நாட்டின் அரசியல் நிலைத் தன்மையை உறுதி செய்வதன் மூலம் மக்களின் நலன்களைப் பாதுகாப்பதில் உறுதியாக உள்ளது.

மடானி அரசு எடுக்கும் அணுகுமுறை குறுகிய காலத்திற்கு மட்டுமல்ல, இனம், பின்னணியைப் பொருட்படுத்தாமல் அனைத்து மக்களின் நல்வாழ்வையும் உறுதி செய்வதற்கான விரிவான நீண்டகால தொலைநோக்குப் பார்வையுடன் வடிவமைக்கப்பட்டுள்ளது.

பிரதமர் தொடர்ந்து மக்களை முன்னுரிமையாக வைத்திருப்பதை நாங்கள் காண்கிறோம்.

பொருளாதார அம்சத்தில், வளர்ச்சியைத் தூண்டுவதற்கும், வாழ்க்கைச் செலவை நிலைப்படுத்துவதற்கும், அனைவருக்கும் நியாயமான வேலை வாய்ப்புகளை உறுதி செய்வதற்கும் பல்வேறு முயற்சிகள் அறிமுகப்படுத்தப்பட்டுள்ளன.

ஹெல்ப் பல்கலைக்கழகத்தில்   கிட்டத்தட்ட 400 சுபாங் பெஸ்தாரி இடைநிலைப் பள்ளி மாணவர்களுடன் ஒரு  அமர்வை நடத்திய பிறகு அவர் இதனை செய்தியாளர்களிடம் கூறினார்.

13ஆவது மலேசியத் திட்டத்தின் சமீபத்திய அறிவிப்புகளும் சிறு, குறு  நடுத்தர நிறுவனங்களை மேம்படுத்துவதற்கான முயற்சிகள் மேற்கொள்ளப்படவுள்ளன.

மேலும் தொற்றுநோய், உலகளாவிய நிச்சயமற்ற தன்மைக்குப் பிறகு பொருளாதார மீட்சியை முன்னெடுப்பதில் அரசாங்கம் தீவிரமாக உள்ளது என்பதற்கான தெளிவான சான்றாகும்.

பல்லின,  பல மத சமூகத்தை ஒன்றிணைப்பதில் மலேசியா மடானியின் கொள்கையின் ஒரு முக்கியமான அடித்தளமாகும்.

ஒற்றுமை என்பது வெறும் முழக்கம் அல்ல. இது  கொள்கையாகும்.

மேலும் இந்திய, சீன, மலாய், ஒராங் அஸ்லி,  சபா, சரவா சமூகங்கள் உட்பட அனைத்து சமூகங்களுக்கும் தொடர்ச்சியான ஆதரவு மூலம் மொழி பெயர்க்கப்படுகிறது என்று டத்தோஸ்ரீ ரமணன் கூறினார்.

- பார்த்திபன் நாகராஜன்