13ஆவது மலேசியத் திட்டத்தில் அசாதாரணமானது எதுவுமில்லை: இராமசாமி

கோலாலம்பூர்:

பிரதமர் தாக்கல் செய்த 13ஆவது மலேசியத் திட்டத்தில் அசாதாரணமானது எதுவுமில்லை என்று உரிமை கட்சியின் தேசியத் தலைவர் பேராசிரியர் டாக்டர் இராமசாமி குறை கூறினார்.

நேற்று மக்களவையில் பிரதமர் டத்தோஸ்ரீ அன்வார் இப்ராஹிம்  13ஆவது மலேசியா திட்டத்தை தாக்கல் செய்தார்.

இந்த திட்டத்தில் அசாதாரணமானது எதுவும் இல்லை.

அது கடந்த காலத்தில் அறிமுகப்படுத்தப்பட்ட ஐந்தாண்டு திட்டங்களைப் பிரதிபலிப்பதாக உள்ளது  என்று அவர் கூறினார்.

13ஆவது மலேசியா திட்டம் இன அடிப்படையிலான அணுகுமுறையிலிருந்து மாறும் என்று பிரதமர் அன்வார் இப்ராஹிம் கூறியுள்ளார்.

இருப்பினும், நடைமுறையில் இந்தத் திட்டம் பெரும்பாலும் தற்போதைய நிலையின் தொடர்ச்சியாகும்.

வெளிநாட்டுக் கடன் அதிகரித்து வரும் இந்த நேரத்தில், இந்தத் திட்டத்தை திறம்பட செயல்படுத்த முடியுமா என்பதைப் பார்க்க வேண்டும் என்று அவர் ஒரு முகநூல் பதிவில் கூறினார்.

- பார்த்திபன் நாகராஜன்