2026 உலகக் கிண்ண போட்டியில் லியோனல் மெஸ்ஸி விளையாடுவார்: அர்ஜெண்டினா

பியோனஸ் அயர்ஸ்:

2026ஆம் ஆண்டு உலகக் கிண்ண போட்டியில் லியோனல் மெஸ்ஸி விளையாடுவார்.

அர்ஜெண்டினா கால்பந்து சம்மேளனம் இதனை உறுதிப்படுத்தியுள்ளது.

அடுத்த உலகக் கிண்ண கால்பந்து போட்டியில் அர்ஜண்டினாவின் சாம்பியன் பட்டத்தை பாதுகாக்க லியோனல் மெஸ்ஸி தலைமை தாங்குவார்.

இதன் வாயிலாக ஏழு மாத இடைவெளிக்குப் பிறகு அவர் மீண்டும் தேசிய அணியில் இணைந்துள்ளார்.

அர்ஜெண்டினா கால்பந்து சம்மேளனத்தின் மூத்த அதிகாரி ஒருவர் உறுதிப்படுத்தியுள்ளார்.

தசை காயம் காரணமாக மார்ச் மாத அனைத்துலக போட்டிகளில் மெஸ்ஸி பங்கேற்கவில்லை.

பின் சிலி அணிக்கு எதிரான போட்டியில் துணை வீரராக களமிறங்கி ஜூன் மாத இறுதியில் கொலம்பியா அணிக்கு எதிரான போட்டியில் விளையாடத் தொடங்கினார்.

இந்த ஆண்டு தொடக்கத்தில் ஏற்கனவே உலகக் கிண்ண போட்டிக்கு அர்ஜெண்டினா தகுதி பெற்று விட்டது.

இருந்தாலும் இப்போது தங்கள் கடைசி இரண்டு போட்டிகளுக்குத் தயாராகி வருகிறது.

செப்டம்பர் 9 ஆம் தேதி பியூனஸ் அயர்ஸில் வெனிசுலாவுக்கு எதிராகவும், செப்டம்பர் 14 ஆம் தேதி வெளிநாட்டில் நடக்கும் ஈக்வடாருக்கு எதிராகவும் மெஸ்ஸி களமிறங்குவார் என அந்த அதிகாரி கூறியுள்ளார்.

- பார்த்திபன் நாகராஜன்