புதிய அமெரிக்க தூதர் நிக் ஆடம்ஸ் குறித்த குறிப்பாணையை அமைச்சரவை இன்னும் பெறவில்லை: ஃபஹ்மி

புத்ராஜெயா:

புதிய அமெரிக்க தூதர் நிக் ஆடம்ஸ் குறித்த குறிப்பாணையை அமைச்சரவை இன்னும் பெறவில்லை.

தகவல் தொடர்பு அமைச்சர் ஃபஹ்மி ஃபட்சில் இதனை கூறினார்.

மலேசியாவிற்கான அடுத்த அமெரிக்க தூதராக பழமைவாத வர்ணனையாளரும் எழுத்தாளருமான நிக் ஆடம்ஸை பரிந்துரைத்ததாக கூறப்படுகிறது.

ஆனால் இது தொடர்பாக விஸ்மா புத்ராவிடமிருந்து அமைச்சரவை இன்னும் அதிகாரப்பூர்வ குறிப்பாணையைப் பெறவில்லை.

மலேசியாவிற்கான எந்தவொரு புதிய தூதர் அல்லது இராஜதந்திர நியமனம் குறித்து வெளியுறவு அமைச்சகத்திடமிருந்து முறையான குறிப்பாணையைப் பெறுவது அமைச்சரவைக்கான வழக்கமான நடைமுறையாகும்.

தற்போது வரை இந்த விஷயம் அமைச்சரவையின் கவனத்திற்குக் கொண்டு வரப்படவில்லை என்று  ஃபஹ்மி கூறினார்.

- பார்த்திபன் நாகராஜன்