ஷாவி மீண்டும் கால்பந்துத் துறைக்கு திரும்புவார்: சவூதி அரேபிய கிளப் அவரை ஒப்பந்தம் செய்ய விரும்புகிறது

ரியாத்:

ஷாவி மீண்டும் கால்பந்துத் துறைக்கு திரும்பவுள்ள நிலையில் அவரை ஒப்பந்தம் செய்ய  சவூதி அரேபிய கிளப் விரும்புகிறது.

பார்சிலோனா அணியால் ஷாவி ஹெர்னாண்டஸ் நீக்கப்பட்டு ஒரு வருடத்திற்கும் மேலாகிவிட்டது.

எனவே அவர் விரைவில் மீண்டும் அணிக்குத் திரும்புவார் என்று எதிர்பார்க்கப்படுகிறது. 

45 வயதான அவர் பார்சிலோனாவை விட்டு வெளியேறிய பிறகு ஒரு வருடம் விடுமுறை எடுக்க முடிவு செய்திருந்தார். ஆனால் அந்தக் காலக்கெடு முடிவுக்கு வருகிறது.

இப்போது ஷாவி தனது அடுத்த கிளப்பைப் பற்றி பரிசீலிக்கத் தொடங்குவார். 

கடந்த 12 மாதங்களாக அவர் மென்செஸ்டர் யுனைடெட், ஜுவாந்தஸ், 
அஜாக்ஸ் உள்ளிட்ட ஐரோப்பா, ஆசியாவில் உள்ள பல கிளப்புகளுடன் இணைக்கப்பட்டுள்ளார். 

ஆனால் அவரது அடுத்த சாகசம் அவர் ஏற்கனவே நன்கு அறிந்த ஒரு பிராந்தியத்தில் இருக்கலாம்.

ஷாவியின் முதல் பயிற்சிப் பணி கட்டார் கிளப்பான அல்-சாத்தில் தொடங்கியது.

மேலும் மத்திய கிழக்கு நாடுகளுக்குத் திரும்புவதற்கான வாய்ப்புகள் அதிகம் என்று தெரிகிறது.

அதன் அடிப்படையில் சவூதி கிளப்பான அல் அஹ்லி பரிசீலிக்கும் வேட்பாளர்களில் அவரும் ஒருவர் என்பது குறிப்பிடத்தக்கது.