இந்தோனேசியா பொது பூப்பந்து போட்டியில் உலகின் முதல் நிலை இரட்டையர்களிடம் பியெர்லி தான் - தீனா ஜோடி தோல்வி

ஜாகர்த்தா:

இந்தோனேசியா பொது பூப்பந்து போட்டியில் உலகின் முதல் நிலை இரட்டையர்களிடம்  பியெர்லி தான் - தீனா ஜோடி தோல்வி கண்டனர்.

2025ஆம் ஆண்டுக்கான இந்தோனேசியா பூப்பந்து போட்டியின் இறுதிப் சுற்றுகள் விறுவிறுப்பாக இன்று நடைபெற்றன.

இதில் உலகின் முதல் நிலை இரட்டையர் பிரிவு ஜோடியான சீனாவின் லியு ஷெங் ஷு-டான் நிங்கை மலேசியாவின் நாட்டின் பியெர்லி தான் - எம். தீனா  ஜோடியை எதிர்கொண்டது.

இஸ்டோரா செனாயனில் நடந்த இறுதி போட்டி கிட்டத்தட்ட 87 நிமிடங்கள் நீடித்தது.
 
இதில் உலகின் நான்காவது இடத்தில் உள்ள ஜோடி இறுதியாக 25-23, 12-21, 19-21 என்ற செட் கணக்கில் தோல்வியடைந்தது.

இதனை தொடர்ந்து மலேசியாவின் பியெர்லி தான் - எம். தீனா இப்போட்டியில் இரண்டாவது இடத்தை பிடித்தனர்.

- பார்த்திபன் நாகராஜன்