ஐரோப்பிய சாம்பியன் லீக்: பார்சிலோனா, பிஎஸ்ஜி வெற்றி

மாட்ரிட்:

ஐரோப்பிய சாம்பியன் லீக் கால்பந்து போட்டியில் பார்சிலோனா, பிஎஸ்ஜி அணிகள் வெற்றி பெற்றன.

ஒலிம்பிக் அரங்கில் நடைபெற்ற முதல் காலிறுதி ஆட்டத்தில் பார்சிலோனா அணியினர் புரோசியா டோர்ட்மண்ட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய பார்சிலோனா அணியினர் 4-0 என்ற கோல் கணக்கில் புரோசியா டோர்ட்மண்ட் அணியை வீழ்த்தி வெற்றி பெற்றனர்.

பார்சிலோனா அணியின் வெற்றி கோல்களை ரோபர்ட் லெவண்டோஸ்கி, ராபின்ஹா, லெமானே யமால் ஆகியோர் அடித்தனர்.

மற்றொரு ஆட்டத்தில் பிஎஸ்ஜி அணியினர்  அஸ்டன் வில்லா அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய பிஎஸ்ஜி அணியினர் 3-1 என்ற கோல் கணக்கில் அஸ்டன் வில்லா அணியை வீழ்த்தி வெற்றி பெற்றனர்.

- பார்த்திபன் நாகராஜன்