நோன்பில் இருந்த மெய்க்காப்பாளர்களை தாக்கி காயப்படுத்திய முதலாளிக்கு எதிரான வழக்கில் வெள்ளிக்கிழமை தீர்ப்பு 

கிள்ளான்:

நோன்பில் இருந்த மெய்க்காப்பாளர்களை தாக்கு  காயப்படுத்திய முதலாளிக்கு எதிரான வழக்கில் வரும் வெள்ளிக்கிழமை தீர்ப்பு வழங்கப்படவுள்ளது.

கடந்த 2021ஆம் ஆண்டு உண்ணாவிரதம் இருந்ததற்காக தனது மெய்க்காப்பாளர்கள் இருவரை காயப்படுத்திய தொழிலதிபர் மீதான வழக்கு விசாரணை துரிதமாக நடந்து வந்தது.

2021ஆம் ஆண்டு ஏப்ரல் 22ஆம் தேதி கிள்ளான் மாஜிஸ்திரேட் நீதிமன்றத்தில் குற்றம் சாட்டப்பட்ட பின்னர், 47 வயதான சுங் சீ யாங், தனக்கு எதிரான ஐந்து குற்றச்சாட்டுகளையும் மறுத்து விசாரணை கோரினார்.

குற்றச்சாட்டுகளின்படி, முகமட் அஸ்மினிசாம் சுல்கிப்லி, அகமது ஷம்சூரி ஜைலானி ஆகியோரை வேண்டுமென்றே காயப்படுத்தியதாக அந்த நபர் மீது நான்கு குற்றச்சாட்டுகள் சுமத்தப்பட்டன.

2021 ஆம் ஆண்டு ஏப்ரல் 13ஆம் தேதி இரவு 8.40 மணி முதல் 8.43 மணி வரை, டாங் வாங்கியில் உள்ள ஒரு காண்டோமினியத்தின் லோபியில் அனைத்து குற்றங்களையும் செய்ததாகக் கூறப்படுகிறது.

இதைத் தொடர்ந்து, குற்றவியல் சட்டத்தின் பிரிவு 506 இன் கீழ் குற்றச்சாட்டுகள் பதிவு செய்யப்பட்டன, இது குற்றம் நிரூபிக்கப்பட்டால், ஏழு ஆண்டுகள் வரை சிறைத்தண்டனை மற்றும் அபராதம் அல்லது இரண்டும் விதிக்கப்படலாம்.

வரும் வெள்ளிக்கிழமை காலை 9 மணிக்கு  கிள்ளான் மாஜிஸ்திரேட் நீதிமன்றத்தில் நீதிபதி சித்தி ஜுபைதா மஹத்தால் இத்தீர்ப்பு அறிவிக்கப்படும் என்பது குறிப்பிடத்தக்கது.

- பார்த்திபன் நாகராஜன்