செய்திகள் தொழில்நுட்பம்
இந்திய அணுசக்தி நிறுவனங்கள் மீதான தடைகளை நீக்கியது அமெரிக்கா
வாஷிங்டன்:
இந்தியாவின் பாபா அணு ஆராய்ச்சி மையம் உள்பட 3 இந்திய அணுசக்தி நிறுவனங்கள் மீதான பல்வேறு தடைகளை அமெரிக்கா நீக்கியுள்ளது.
இதன் மூலம் இந்திய-அமெரிக்க நிறுவனங்கள் அணுசக்தி தொடா்பான ஒப்பந்தங்கள் மேற்கொள்ள வழிகள் திறக்கப்பட்டுள்ளன. அமெரிக்க அதிபராக டொனால்ட் டிரம்ப் அடுத்த சில நாள்களில் பதவியேற்க உள்ள நிலையில் அதிபா் ஜோ பைடன் நிா்வாகம் இந்த வரலாற்றுச் சிறப்புமிக்க முடிவை எடுத்துள்ளது.
பாபா அணு ஆராய்ச்சி மையம், இந்திரா காந்தி அணு ஆராய்ச்சி மையம், இண்டியன் ரோ் எா்த்ஸ் ஆகிய நிறுவனங்கள் அமெரிக்காவின் தடைப் பட்டியலில் இருந்து விடுவிக்கப்பட்டுள்ளன. பனிப்போா் காலகட்டத்தில் இந்த நிறுவனங்கள் மீது அமெரிக்கா தடை விதித்தது.
இதன் மூலம் 16 ஆண்டுகளாக நிறைவேற்றப்படாமல் உள்ள இந்திய-அமெரிக்க அணுசக்தி ஒப்பந்தத்திலும் முன்னேற்றம் ஏற்பட வாய்ப்புள்ளது. கடந்த 2005-ஆம் ஆண்டு அப்போதைய அமெரிக்க அதிபா் ஜாா்ஜ் டபிள்யூ புஷ் - அப்போதைய இந்திய பிரதமா் மன்மோகன் சிங் இடையே இந்த ஒப்பந்தம் மேற்கொள்ளப்பட்டது.
இதற்கான பேச்சுவாா்த்தை 3 ஆண்டுகள் வரை நீடித்தது. இதன் மூலம் ஆக்கபூா்வமான அணுசக்தி பயன்பாட்டுக்கான நவீன தொழில்நுட்பங்கள் இந்தியாவுக்கு கிடைக்கும்.
தடைப் பட்டியலில் இருந்து நீக்கப்பட்டுள்ள இந்திய அணுசக்தி நிறுவனங்கள் அமெரிக்க நிறுவனங்களுடன் அணுசக்தி சாா்ந்த ஒத்துழைப்பு மற்றும் ஒப்பந்தங்களை மேற்கொள்ள முடியும். அணுசக்தி சாா்ந்த முக்கிய தாதுப்பொருள்கள், அணுமின் உற்பத்தி சாா்ந்த நவீன உபகரணங்கள், நவீன தொழில்நுட்பங்களும் இந்தியாவுக்கு கிடைக்கும்.
அமெரிக்க அரசின் இந்த தடை நீக்க நடவடிக்கை இருநாடுகள் இடையிலான நல்லுறவை மேலும் வலுப்படுத்தும் என்று அமெரிக்காவுக்கான முன்னாள் இந்தியத் தூதா் தரண்ஜீத் சிங் தெரிவித்தாா்.
- ஆர்யன்
தொடர்புடைய செய்திகள்
October 31, 2026, 7:41 pm
விண்ணில் பாய்ந்தது இந்தியாவின் GSLV-F18 விண்கலம்: துல்லியமான வழிகாட்டி சேவைகளுக்கு புதிய முன்னேற்றம்
October 16, 2026, 4:27 pm
காற்றில் பறந்த டெஸ்லா கார்: எலான் மஸ்க்கின் புதிய சாதனை
September 15, 2026, 10:13 am
தேசிய நிலையிலான தகவல் தொடர்பு தொழில்நுட்பப் போட்டி மாணவர்களின் திறனை மேம்படுத்தும்
September 10, 2026, 12:42 pm
ஆப்பிள் ஐபோன் 18 ப்ரோ சீரிஸ் அறிமுகம்: iPhone18 Pro, 18 Pro Max மற்றும் போல்டபிள் மாடலான iPhone Duo அறிமுகம்
August 31, 2026, 9:40 pm
Apple நிறுவனத்தின் அடுத்த தலைமை நிர்வாக அதிகாரியாக ஜான் டெர்னஸ் பதவியேற்கிறார்
August 22, 2026, 6:25 pm
கார் கைப்பிடி பிரச்சினை: வரலாறு காணாத அளவுக்குக் கார்களைத் திரும்பப் பெறும் சீனா
August 20, 2026, 4:54 pm
AI இல் பகிரப்படும் ரகசிய விவரங்கள் திருடப்படும் அபாயம்: பொதுமக்களுக்கு அமெரிக்க போலிஸ் எச்சரிக்கை
July 15, 2026, 11:27 am
நாசா விண்வெளி வீரர் அனில் மேனனை சர்வதேச விண்வெளி நிலையத்துக்கு ரஷ்யா வெற்றிகரமாக அனுப்பியது
June 30, 2026, 10:41 am
இனி தொலைபேசி எண்ணின்றி தொடர்புக்கொள்ளும் வசதி: 'Username' வசதியை அறிமுகப்படுத்தும் வாட்ஸ்அப்
June 28, 2026, 8:37 pm
