ஆண்டின் முதல் வர்த்தக நாளில் அமெரிக்க டாலருக்கு எதிரான மலேசிய ரிங்கிட்டின் மதிப்பு சரிவு 

கோலாலம்பூர்: 

ஆண்டின் முதல் வர்த்தக நாளில் அமெரிக்க டாலருக்கு எதிரான மலேசிய ரிங்கிட்டின் மதிப்பு சரிவடைந்துள்ளது. 

இன்று காலை 8 மணி நிலவரப்படி, 1 அமெரிக்க டாலர் 4.4700/4805- ஆக மலேசிய ரிங்கிட்டின் மதிப்பு குறைந்துள்ளது. 

மற்ற முக்கிய நாணயங்களுக்கு எதிராக மலேசிய ரிங்கிட்டின் மதிப்பு அதிகமாக வர்த்தகமாகவுள்ளது. 

மலேசிய ரிங்கிட்டின் மதிப்பு ஜப்பானிய யெனுக்கு எதிராக  2.8338/8408 வர்த்தகமானது. 

பிரிட்டிஷ் பவுண்டுக்கு எதிராக மலேசிய ரிங்கிட்  5.5960/6091 ஆக உயர்ந்துள்ளது. 

மேலும்,  மலேசிய ரிங்கிட் யூரோக்கு எதிராக 4.6269/6378-க்கு வர்த்தகமானது. 

மற்ற ஆசியான் நாணயங்களுக்கு எதிராக உள்ளூர் நாணயம் சிறப்பாக வர்த்தகம் செய்யப்பட்டது.

சிங்கப்பூர் டாலருக்கு எதிராக மலேசிய ரிங்கிட்  3.2730/2812 ஆக வலுவடைந்தது. 

தாய்லாந்து பாட்க்கு எதிராக 13.0302/0726-ஆக மலேசிய ரிங்கிட்டின் மதிப்பு உயர்ந்துள்ளது. 

1 மலேசிய ரிங்கிட் 19.12 இந்திய ரூபாய்க்கு வணிகமானது. 

- அஸ்வினி செந்தாமரை