பேராசிரியர் நிர்வாணப் புகைப்படங்களை பகிர்ந்த விவகாரம் தொடர்பாக அதிகாரிகள் விசாரணை நடத்தி வருகின்றனர்: உயர்க்கல்வி அமைச்சகம் தகவல்

புத்ரா ஜெயா:

பேராசிரியர் நிர்வாணப் புகைப்படங்களை பகிர்ந்த விவகாரம் தொடர்பாக அதிகாரிகள் விசாரணை நடத்தி வருகின்றனர் என்று உயர்க்கல்வி அமைச்சகம் ஓர் அறிக்கையில் தெரிவித்துள்ளது. 

இது தொடர்பான விசாரணைக்கு மலாயாப் பல்கலைக்கழகம் முழு ஒத்துழைப்பை வழங்குவதாக அந்த அறிக்கையில் குறிப்பிடப்பட்டுள்ளது. 

இது போன்ற ஒழுங்கினப் பிரச்சனை தொடர்பாக விசாரணை நடத்த மலாயாப் பல்கலைக்கழகம் குறிப்பிட்ட வழிகாட்டுதல்களையும் விதிமுறைகளையும் கொண்டுள்ளது.

மேலும் அனைத்து தரப்பினரின் உரிமைகளையும் பாதுகாக்க உரிய நடவடிக்கைகள் எடுக்கப்பட்டு வருகின்றன என்று அந்த அறிக்கையில் தெரிவிக்கப்பட்டுள்ளது.

சம்பந்தப்பட்ட நபர்கள் காவல்துறையில் புகார் அளித்துள்ளதாகவும், அதிகாரிகளால் விசாரணையும் மேற்கொள்ளப்பட்டதாகவும், எனவே விரிவான விசாரணை நடத்தப்படுவதற்கு அனைத்து தரப்பினரும் இடம் கொடுக்குமாறு அழைப்பு விடுக்கப்பட்டுள்ளது. 

சட்ட நடைமுறைகளை மீறும் நடவடிக்கைகள் நடந்துகொண்டிருக்கும் விசாரணை செயல்முறையை மீறும் என்பதால், எடுக்கப்படும் எந்தவொரு நடவடிக்கையும் தற்போதுள்ள சட்டத்தின்படி இருக்க வேண்டும்.

சட்டத்தை மீறிய குற்றத்திற்காக நிரூபிக்கப்பட்ட எந்தவொரு தரப்பினருடனும் அமைச்சகமும் மலாயாப் பல்கலைக்கழகமும் சமரசம் செய்யாது என்று அந்த அறிக்கையில் தெரிவிக்கப்பட்டுள்ளது.

- அஸ்வினி செந்தாமரை