GRS தொடர்ந்து நம்பிக்கை கூட்டணியுடன் ஆதரவு நல்கும்: சபா மாநில முதலமைச்சர் டத்தோஶ்ரீ ஹஜிஜி நோர் தகவல் 

கோத்தா கினாபாலு: 

GRS எனப்படும் சபா மக்கள் இயக்கம் தொடர்ந்து நம்பிக்கை கூட்டணிக்குத் தனது அரசியல் ஒத்துழைப்பினை நல்கும் என்று சபா மாநில முதலமைச்சர் டத்தோஶ்ரீ ஹஜிஜி நோர் கூறினார் 

அடுத்த 17ஆவது சபா மாநில சட்டமன்ற தேர்தலை எதிர்கொள்ள இந்த ஒத்துழைப்பு அவசியமாகும் என்று அவர் சொன்னார் 

இந்த விவகாரம் தொடர்பாக தான் ஏற்கனவே நம்பிக்கை கூட்டணியின் தலைவரும் பிரதமருமான டத்தோஶ்ரீ அன்வார் இப்ராஹிமிடம் தெரிவித்து விட்டதாக அவர் சொன்னார் 

தற்போதுவரை நம்பிக்கை கூட்டணியுடன் அரசியல் ஒத்துழைப்பு நல்குவது தான் GRS கட்சியின் முதன்மையான நோக்கமாக உள்ளதாக அவர் செய்தியாளர்களிடம் கருத்துரைத்தார் 

அடுத்தாண்டு அக்டோபர் மாதம் நடப்பு மாநில அரசாங்கத்தின் தவணைக்காலம் நிறைவடைகிறது. ஆக, அடுத்தாண்டு மாநில சட்டமன்றம் கலைக்கப்படலாம் என்று அவர் கோடிக்காட்டினார்

-மவித்திரன்