சவால்களை எதிர்க்கொள்ள இளைஞர்கள் தயாராக இருக்க வேண்டும்: ஃபஹ்மி ஃபாட்சில் 

கோலாலம்பூர்: 

வாழ்க்கையில் வெற்றி பெற, முன்கூட்டியே திட்டமிட்டு சவால்களை எதிர்க்கொள்ள இளைஞர்கள் தயாராக இருக்க வேண்டும் என்று தகவல் தொடர்பு அமைச்சர் ஃபஹ்மி ஃபாட்சில் வலியுறுத்தினார். 

இளைஞர்கள் தங்கள் வாழ்க்கையை மாற்றக்கூடிய தொழில் அல்லது வணிக வாய்ப்புகளைத் திறந்த மனதுடன் ஏற்க வேண்டும் என்று அவர் குறிப்பிட்டார். 

ஒவ்வொரு நாளும் பல தனித்துவமான வணிக யோசனைகள் வெளிவருவதால், இளைஞர்கள் கூட்டத்திலிருந்து தனித்து நிற்க விரும்பினால், அவர்கள் மிகவும் வெளிப்படையாகவும் தைரியமாகவும் இருக்க வேண்டும்.

நாம் எதிர்பார்க்காத இடங்களிலிருந்து யோசனைகள் வரக்கூடும் என்பதை நாம் எப்போதும் நினைவில் கொள்ள வேண்டும்.

இது ஏர் ஏசியா போன்ற பல பெரிய நிறுவனங்களின் தோற்றக் கதைகளால் எடுத்துக் காட்டுகிறது.

எல்லா யோசனைகளும் செயல்படவில்லை என்றாலும், இளைஞர்கள் சவால்களை எடுக்க தயாராக இருக்க வேண்டும். ஒருபோதும் முயற்சியைக் கைவிடக்கூடாது என்று அவர்  கூறினார்.

- அஸ்வினி செந்தாமரை