பத்துமலை தைப்பூச விழா ஏற்பாடுகள் குறித்து சிலாங்கூர் மந்திரி புசாருடன் விவாதிக்கப்பட்டது: டான்ஸ்ரீ நடராஜா

பத்துமலை:

பத்துமலை தைப்பூச விழா ஏற்பாடுகள் குறித்து சிலாங்கூர் மந்திரி புசாருடன் விவாதிக்கப்பட்டது.

ஸ்ரீ மகா மாரியம்மன் தேவஸ்தான தலைவர் டான்ஸ்ரீ ஆர். நடராஜா இதனை கூறினார்.

சிலாங்கூர் மாநில மந்திரி புசார் டத்தோஸ்ரீ அமிருடின் ஷாரி சிறப்பு வருகையாக பத்துமலைக்கு வந்திருந்தார்.

தேவஸ்தானத்தின் சார்பில் அவருக்கு மாலை அணிவித்து சிறப்பு செய்யப்பட்டது.

அதே வேளையில் 2025ஆம் ஆண்டுக்கான பத்துமலை தைப்பூச விழாவின் ஏற்பாடுகள் குறித்து அவரிடம் விவாதிக்கப்பட்டது.

இந்த தைப்பூச விழாவிற்கு வரும் பக்தர்களின் வசதிக்காக தேவஸ்தானம் பல முன்னேற்பாடுகளை செய்து வருகிறது.

அது குறித்தும் மந்திரி புசாரிடம் எடுத்துக் கூறப்பட்டது.

குறிப்பாக பத்துமலையில் மேற்கொள்ளப்படவிருக்கும் பல மேம்பாட்டுத் திட்டங்கள் குறித்தும் அவருக்கு விளக்கம் தரப்பட்டது என்று டான்ஸ்ரீ நடராஜா கூறினார்.

- பார்த்திபன் நாகராஜன்