பிரதமர் வேட்பாளர் பிரச்சினை குறித்து  தேசிய கூட்டணி உச்சமன்ற கூட்டத்தில் கேள்வி எழுப்பப்படும்: கெராக்கான்

கோலாலம்பூர்:

பிரதமர் வேட்பாளர் பிரச்சினை குறித்து  தேசிய கூட்டணி உச்சமன்ற கூட்டத்தில் கேள்வி எழுப்பப்படும்.

கெராக்கான் கட்சியின் தலைவர் டோமினிக் லாவ் இதனை கூறினார்.

தேசியக் கூட்டணியின் பிரதமர் வேட்பாளர் குறித்து தற்போது நாட்டில் பல சர்ச்சைகள் எழுந்துள்ளது.

இப்பிரச்சினை குறித்து கெராக்கான் நிச்சயம்  தேசிய கூட்டணி உச்சமன்ற கூட்டத்தில் கேள்வி எழுப்பும்.

குறிப்பாக வரும் உச்சமன்றக் கூட்டம் சூடான தலைப்புகள் பற்றி விவாதிக்க, உறுப்பு கட்சிகள் தங்கள் கருத்து வேறுபாடுகளை தீர்க்க ஒரு தளமாக விளங்கும்.

மலாய்க்காரர்கள் அல்லாதவர்களின் உரிமைகள், பிரதமர் வேட்பாளர் பற்றிய விவாதம் குறித்த அறிவிப்பை வெளியிட வேண்டிய அவசியமில்லை என்ற பாஸ் கட்சியின் சமீபத்திய அறிக்கையும் இதில் அடங்கும்.

கெராக்கான் ஏற்பாடு செய்திருந்த தீபாவளி கொண்டாட்டத்திற்குப் பிறகு லாவ் செய்தியாளர்களிடம் இதனை கூறினார்.

- பார்த்திபன் நாகராஜன்