கெடா மாநில அரசு ஊழியர்களுக்கு 2,000 ரிங்கிட் உதவித் தொகை: டத்தோஶ்ரீ சனுசி அறிவிப்பு

கூலிம்:

கெடா மாநில அரசு ஊழியர்களுக்கு 2,000 ரிங்கிட் உதவித் தொகை வழங்கப்படும்.

மாநில மந்திரி புசார் டத்தோஶ்ரீ முஹம்மத் சனுசி நோர் இதனை அறிவித்தார்.

கெடா மாநிலத்தில் உள்ள 5,376 அரசு ஊழியர்களுக்கு அவர்களின் அர்ப்பணிப்புக்கு பாராட்டு தெரிவிக்கும் வகையில் இந்த சிறப்பு நிதியுதவி வழங்கப்படுகிறது.

இந்த உதவித்தொகை படிப்படியாக வழங்கப்படும்.

அதன் ஒரு பகுதி அடுத்த ஆண்டு மார்ச் மாதத்தில் வழங்கப்படும். மீதமுள்ள தொகை ஜூன் 2025 இல் வழங்கப்படும்.

இந்த உதவிக்கான மொத்த ஒதுக்கீடு 12 மில்லியன் ரிங்கிட் ஆகும்.

ஒவ்வொரு அரசாங்கக் கொள்கையும் முடிவும் சிறப்பாக செயல்படுத்தப்படுவதை உறுதி செய்வதில் மாநில அரசு ஊழியர்களின் அர்ப்பணிப்பை மாநில அரசு பாராட்டுகிறது என்று அவர் கூறினார்.

- பார்த்திபன் நாகராஜன்